Jasper & Jayden 的閱讀樂

2014 關西家族親子大旅行 -- DAY 8

最後一天了
真捨不得回香港
好多地方還未去
雖然今天到關西的景點, 和上次幾乎完全不一樣
(只有海遊館是2次都有去)
但仍然有好多景點最後無時間要放棄
如金閣寺, 北野異人館,
而且SHOPPING 時間嚴重不足
最後竟然無洗晒日元先回港
無法了, 留返下次~~~
人還未回港, 己期待下一次

2014 關西家族親子大旅行 -- DAY 7
話咁快就到尾聲
最後兩天了
早上
當哥哥還在睡, 弟弟己精精神神等出發

2014 關西家族親子大旅行 -- DAY 6
JAYDEN 在酒店似乎訓得特別好
應該多去旅行?
今天的行程是去神戸

2014 關西家族親子大旅行 -- DAY 5
這天的行程難得的可以完成
預定行程是去大阪城天守閣, 下午去奈良
本來諗住中午到良, 結果都要2點先到
不過可以去到己好滿足
一貫先在酒店食早餐, 跟住搭車去谷町四丁目
出地鐵不久就見到大阪歷史博物館
如果時間許可
好想入去
不過考慮到我們行程頗慢
還是留待下次
經過大阪歷史博物館就到達大阪城的外圍公園
天朗氣清
藍天白雲
真是好天氣
在公園行下, 影下相後
便進入天守閣內
除3, 4/F 外, 其他都可以任影
天守閣還有電梯至5/F, 都頗方便
不過BB 車在放低在地下, 不能推進去
天守閣頂可以望到整個大阪
風景十分美麗
如果是紅葉季節肯定更吸引
離開天守閣後,
搭車前往奈良
由谷町四丁目只要乘地鐵到生駒再轉一程往近鐵奈良站, 全程48分鐘
十分方便
(乘換案內這個APPS 真係好好用, 搭邊條線, 去邊個站轉車, 下班車係幾點開, 幾點到都有)
到達奈良後, 係附近的商店街食LUNCH 後便往奈良公園前進
到達奈良公園
便看見大大小小的鹿
完全不怕人
看到有人買鹿仙貝便立即追過去
還把掛在BB 車上的紙袋搶去
嚇得我立即把在BB 車上的小睎抱起
(用了幾天的紙袋, 立即被鹿搶去狂咬, 搶回來時己爛了, 袋內的外套, 水樽掉在地下, 幸好沒有什麼易破東西)
面對有點狂野的鹿群
不敢久留
我們慢步在公園內
看到有落單的小鹿才給JASPER 餵
不過餵幾塊便有鹿群追過來
我們又要再轉移地點
幸好公園夠大
鹿雖多
但總有落單的
快日落時我們才離開
搭近鐵由奈良直到難波
回酒店梳洗一番才外出晚餐
結果這天只在DAISO 買了一點東西...應該是平慳家的一天

2014 關西家族大旅行 -- DAY 4
旅行前所計劃的行程己大幅改動
不過無關係
做人要識變通
DAY 4 決定去京都
梅小路蒸氣機關館, 伏見稻荷大社
幸好
行程可以如期完成
一早CHECK 左梅小路蒸氣機關館會開
如果去到又左關門就爆笑了
而且11點有蒸氣火車坐
所以最好10點半到
去到難波地鐵
發覺時間有點趕
決定貴少少去搭新幹線
順便滿足JASPER 的願望
由難波站搭地鐵去新大阪站
去買由新大阪去京都的新幹線列車
一切順利到京都
買京都巴士1 DAY PASS
再搭巴士去梅小路蒸氣機關館
(巴士車程只約10分鐘, 比等車時間還短)
梅小路蒸氣機關館相對香港的旅遊書算是冷門
手上那本旅遊書都沒有介紹
本來想去大阪那個交通工具博物館的
不過今年初關了
說回正題
正因為這個館比較少介紹
人不多
只有一家大少和小學生團
大約10點半到(難得的準時, 哈哈哈)
我先去買飛, 其他人就去參觀下先
(就是陪太子讀書, 主要是JASPER 想看)
11點準時乘搭蒸氣火車, 真的用煤發動, 好難得
搭乘時間不太長, 大約十幾分鐘
是最佳影相位
可惜JASPER 執意要坐近車頭
(最爆笑係所謂的車頭原來是車尾, 哈哈哈, 頭半段倒後行, 跟住向前行, 所以後半段先算車頭)
所以我們影相的時候
JASPER 完全沒有入鏡
坐完蒸氣火車
慢慢參觀此館
(自由行的好處又出來了, 一來跟團唔會參觀呢D冷門地方, 二來唔會比你睇咁耐)
大約12點離開, 又坐巴士回京都站
在京都站地下行食烏各作LUNCH 後, 去搭巴士往伏見稻荷大社
(JASPER 在巴士上己訓著,結果又無食LUNCH, 醒時己在等巴士, 極速去買左DOGNUT比佢食)
(題外話, 呢架由京都站去伏見稻荷大社既巴士班次極疏, 見意DOWNLOAD APPS 乘換案內, 可以CHECK 交通時間,我在等巴士等好耐都未見時才想起, 立即看看, APP 說2:30才有車, 難為我們未夠2點就等早知去樓下行下
但, 到有巴士時才發現極多人等巴士, 如果我地排得後, 車仔都上唔到, 都算好彩, 不過自此, 搭車前必定先CHECK 交通時間, 免乾等)
巴士企滿人, 基本上大部份都係去同一個地方
落車後跟著人群好輕易就到
稻荷大社的相片看過很多
真身一樣咁靚
千烏居之名果然不是浪得虛名
影相出來的效果真的很靚
尤其當日人不算太多
(好多外國遊客)
行上山大部份是樓梯
幸好換了架輕身BB車
但行左一部份己放棄
而且都差不多4點半, CHECK 過時間17:10有巴士
慢慢行去巴士站
開奶給睎睎食
邊等車, 邊食奶, 邊訓覺
去旅行最乖就係呢個時候
坐巴士回到京都
又係分開行既時候
我地立即去YODOBASHI
重點
有PORTER, 但唔係專門店, 無OSCAR 想買的款
有西松屋, 兒童衫一流, 價錢平, 款式多, 推介底衫, 面衫都平, 長袖一件先幾百YEN
有UNIQUO, 但無童裝
仲有間RIGHT ON, 兒童衫靚得來又唔貴
買野既時間過得特別快
雖然買到成車野
但仍然覺得未夠, TOKYO TOWER 樓下的100YEN 店我又未行
藥房又未行
書店又未行
己經夠鐘
經過TODOBASHI 樓下看到有SHABU SHABU 放題
集合後, 再回來食:)
揀了最貴的和牛SHABU SHABU
果然好正, 片片雪花牛
不停添食, 水準都一樣
不過呢, 可以選揀的款式就少左D
唔似燒肉放題咁有唔同牛部份揀
佢只有牛同豬 (價錢分幾種, 最平只有豬, 跟住有普通牛, 特選牛, 國產牛, 和牛)
既然比最貴食和牛, 當然無理由添最平的豬
結果每碟都係和牛
食得好開心
但就單調左少少
而且蔬菜吧款式不多
但有雪糕, 好多味, 仲係hagaz-das
士多啤梨味最正
食飽飽, 今次坐JR 回大阪, 不是新幹線, 坐一次就夠啦, 而且只不過節省15分鐘

2014 關西家族大旅行 -- DAY 3
由這天開始
決定不外出食早餐
改為早一晚點定早餐在酒店食完先出門口
因為要幫2個小朋友預備出門口實在花太多時間
令出門口時間太遲
這天預定的行程是
TEAM A 去天王等動物園
TEAM B 去SPA WORLD浸溫泉
中午在新世界食炸串做午餐
然後去大阪城天等閣
晚上去梅田的空中展望台看夜景
不過計劃總不及變化
尤其帶著老人家和小孩子
一開始, 順利地帶4老去SPA WORLD, 幫他們買好飛
指示他們排隊入場
然後我們一家4口行去動物園
一路上人很少, 很冷清
己暗覺奇怪
到動物園門口
竟然無開…..
失策呀
一來, 本來不是預這天去動物園
二來, 也沒有想過動物園會休息
正如沒有想過海洋公園和迪士尼會休息一樣….
我有查過博物館的休息日, 但完全沒有想過原來動物園係會休息呀….
立即研究一下還有什麼地方可以去, 要近天王寺站, 因3小時後要接回四老
又要啱小朋友
見到有個文化博物館啱, 又有恐龍又唔算遠
但又想望真D,
星期一又係放假
算吧, 帶他們去行街
反正還未試過行百貨公司
先行去最新開的阿倍野HARUKASU
8樓是兒童層, 有衫, 玩具, 書
JASPER 睇到唔願走
答應買一份玩具給他
專挑大盒的
告訴他太大盒不能放入旅行箱, 不能拿回家, 他只好找比較大盒的
也不想清楚是否真的好玩
係HARUKASU 找不到真正想要的
轉場去另一新商場Q’S MALL
個人覺得Q’S MALL 比較好行
HARUKASU 比心感覺係HIGH END 一點, 貴D
而Q’S MALL 就比較平民化
http://qs-mall.jp/abeno/floormap/
首先, 有3層的ITO YOKADO
不算大的TOKYO HANDS
SHIBUYA 109
UNIQUO
niko and...
LEPSIM LOWRYS FARM
GLOBAL WORK
WEGO
OUTDOOR PRODUCTS  比起香港, 款真係靚好多, 有小孩子的背包, 印花款起多, JASPER 選了恐龍, 另外還有海洋生物, 野生動物, 火車, 不同的印花,
大人方面, 有HELLO KITTY, LITTLE TWIN STAR, MIFFY, SNOPPY, MICKEY 等等, 但又不會太卡通, 部份是暗花, 黑白款
アカチャンホンポ AKACHAN本舖, 媽媽必逛, 兒童, BB 用品超級齊, 相比起本町那間, 呢間雖然無咁大, 不過本町係樓高5層, 要上上落落, 呢間就可以慢慢行
而且佢正正係ITO YOKADO 隔離
可以放低細路係ITO YOKADO 既兒童樂園玩, 叫爸爸睇住, 自己慢慢行, 咁細路唔悶, 自己可以專心行
JASPER和JAYDEN 都玩得好開心
日本好多百貨都有個AREA 比細路玩, 等媽媽可以慢慢SHOPPING
咁先有時間多買東西嘛
如果細路比較大, 還有SAGA
另外呢個商場亦有大量食店
方便一家大細行完玩住慢慢食
約了四老2點在SPA WORLD 門口等
JASPER 玩到不願走都要行啦
到SPA WORLD 門口
他們己在等我們
由SPA WORLD 另一邊落就己是新世界
隨意找一間炸串食午餐
他們要求有一間是有飯, 面的, 好彩真係有
2點幾, 食完都快4點
大阪城天守閣去不到了
立即改行程去梅田
到梅田先分開行一陣
我地一家4口先去新開的GRAND FRONT OSAKA餵JAYDEN 飲奶換片
日本各商場的BABY ROOM 真係好好,
不單只各洗手間內的換片的地方
好多廁格內的給BB 坐的地方, 即使媽媽自己一個帶B出街, 去洗手間都不怕BB 無地方企/ 坐
而BABY ROOM 內更好
有椅子坐, 有換片台, 有餵人奶的獨立房,
部份有熱水, 微波爐
JAYDEN 飲奶時, OSCAR 帶JASPER去行街
飲完後, 我地去行YODOBASHI
OSCAR 想看相機
JASPER 想看玩具
不過無乜野睇中
行行下, JASPER 己訓左
行完, 回去GRAND FRONT OSAKA 找回四老
再行去空中展望台
由GRAND FRONT OSAKA 行去空中展望台其實好近
不過推車就要行遠一點
上到去173米高的展望台, 地下還有點點紫光, 整個大阪都在腳下
真係好靚
由YODOBASHI 到空中展望台, JASPER 都在睡夢中
抱起他, 再放低都沒反應
太佩服佢了
呢日既晚餐係大丸買刺身, 壽司返酒店食
太懷念上次係大阪食特價刺身的豐富美味
不過今次時間晚了點,
可供選擇的不多
有點可惜
另外, 回到難波後還買了美味布丁
在日本幾乎每日都有飯後甜品
實在十分滿足
唯一係覺得影的相不夠多
連豐富的晚餐和甜品都沒有相
只怪要邊食邊睇住2個細的….
下次, 下次一定要多影相

2014 關西家族親子大旅行 -- DAY 2

 
 

2014 關西家族大旅行 -- DAY 1

 
 

準備多時的2014 關西家族大旅行終於到了出發的日子了 (27/09/2014 TO 4/10/2014)
由年頭待JAYDEN  有出世紙去拎護照,
收到護照後立即訂機票,