Jasper & Jayden 的閱讀樂

因昨夜幾乎無訓過
今日極度眼訓

11點正式起身
因為now tv 上門維修
由復活節開始, now tv 經常睇唔到
昨天打去, 今天上門整
服務都唔錯呀

最後話我地部機太熱hang 機
換另一部比我地
同埋叫我地要架空一點散熱喎

跟住就開始研究一下小boo 昨晚做乜唔訓
望到鼻仔入面好似有點東西
又唔係鼻水
找棉花清潔一下
好似好好多
跟手放返落床比佢訓下
我就好好地食下早餐

1點左右想餵佢食野
食之前, 先換片
點知換既途中又出事-,- 最近經常係咁
包被仔, 衫仔, 連女麻女麻整既背心仔都污糟埋
反正要換衫, 順便沖埋涼
沖完涼, 食奶奶
食左2/3 又唔肯再食
曳曳豬
次次食奶都好似同佢鬥咁

沖涼前, 四圍郁

表情開始多了

做乜事大細眼架

沖完涼, 食完奶, 睇下呢個得戚樣

終於訓左, 一隻手仔伸出來

笑??

另一隻手仔開始伸出來了

努力, 撐開張被

側面睇

努力... 差少少手仔就自由了

咦~~ 努力到醒左?

晚上
又有人食奶食到一半拒絕再食

好得戚既衰樣呀

放軟手腳~~~
有bb 咁訓架咩

見佢伸直晒個人, 幫佢度高先~~~~~ 51cm
前幾日度47, 唔知係咪個日佢伸得唔夠直呢

食飽飽, 訓得好舒服喎
連手仔都唔伸出來~~