Jasper & Jayden 的閱讀樂

奇怪呢, 這篇其實在我打第一天的時候己諗住要出,

但竟然一直都忘記了, 直到今天....

後記之一

台灣感覺非常大陸....尤其由機場乘巴士出巿區, 途中經過的建築物十分殘, 好似十多年前的大陸, 幸好感覺比較乾淨

即使在巿區, 建築物都唔算好新, 好多都是舊式有騎樓的唐樓, 香港己得返好少, 不過有好處係落雨都唔怕

這是回來香港後, nicole 說再送多一set thankyou 卡給我們, 太好人了

因為相片是nicole 選的, 我便著她send 選中的相片給我看看, 原來是選中花田的其中一張~~~

oscar 的樣子很可愛呢~~~ 不過影得佢塊面頗肥呢.... (雖然係事實~~~)

之前的post, 候機室的相實在是不足夠 (為什麼只能放20張呢)

今次到台灣之旅最後一個post, 就是hellokitty 機啦, 之前的候機室, 基本上乜人都可以入的, 就算唔係搭長榮機, 都可以專登行過去, 不過今個post 就有機內的hellokitty 睇啦

(為什麼我唔同空姐影返張呢~~~~ 佢地著既hellokitty 圍裙好可愛架)

呢架就係我地搭既hellokitty 機啦, 外邊畫晒hellokitty 架

1點多便到達台北桃園機場, check in 時, 見到佢給我們的boarding pass, 才知道我們搭的是hellokitty 班機, 好開心呀, 雖然唔係hellokitty 的fans, 但有得搭都好好

check in 後, 想搵下有乜食, 點知原來台北機場唔係好多選擇, 諗住過左關會好少少啦, 都係差不多, 結果只係食左少少野

呢間就係係過關後的餐廳, 無乜選擇

最後一天了

反而訓得比較遲, 因為d 手信店不是太早開門.....

一早諗住待最後一天才買手信, 故要在一個早上買齊所有東西 (因為睇旅遊書, 在台北車站搭巴士走比較快和方便, 於是我們便帶同所有行李出發, 去程時, 因為要小心d 西裝和裇衫, 故放東西時留了很多空位, 避免西裝和裇衫會弄縐, 到回程時, 便把手提袋的東西都放進行李箱, 輕鬆行街)

第一站, 先去中山站的李制餅家買鳳梨穌, 明明睇旅遊書, 話係10點開, 我地己plan 好10點買完便去西門町食早餐, 點知呢, 去到先睇到改左10:30開門, 仲有半小時, 點算好, 好彩, 行前一點有間mos burger...... (去到日本又食, 台灣又要食)

台灣的mos burger, 分2層, 坐得好舒服, 空間又大, 又無乜人

回酒店食了波提下午茶後, 見仲早, 訓一下先出發, 儲足精神嘛~~~~

6點幾起身, 7點多出門口, 未夠8點就到士林了 (民權西路離士林只是2個站, 好近, 好方便)

到士林站, 己好多人啦, 多得nicole 給我們的手劃地圖, 等我地有多d 目標搵東西食

夜巿第一間食的蚵仔煎, 都幾好味, 和香港的蠔餅好唔好, 好軟, 好水既感覺

離開sogo 後, 便乘地鐵去台北車站

為什麼要去台北車站呢.....

是因為無預計外出影婚紗相的車錢要付現金, 結果呢, 比預計中用多了現金, 而當天又是星期天, 看旅遊書, 最方便便是去台北車站對面的新光三越地下的服務台換台幣, 當然, 兌換率比銀行差一點點啦 (問過nicole, 她說可以幫我們換台幣, 而且rate 比銀行還好, 但又費時回去換, 而且, 換千元hkd, 都唔差不多錢)

換完錢後, 行下新光三越, 不過, 呢d 商場唔係咁0岩我地行, 快快地行完了便轉出商場看看附近有什麼好玩

這天天氣不錯, 有一點太陽, 就是太悶熱了, 好像沒什麼風, 在街上站一會都會出汗

食完鼎泰豐, 慢慢行去微風廣場

去微風廣場之前, 本想去斜對面的mot 的

但, 上一層, 發覺都不是我們想睇的東西, 於是又行返去微風廣場

(旅遊書明明是介紹微風廣場, 但當我去到時, 成座野都無中文的, 只有英文)

我們到微風廣場時, 大約是11點吧, 沒有想過這個商場會咁靜, 雖然是星期天的早上, 但都無理由人影都無掛

第二天晚上因太累了 (影相累, 晚上講價又累....)

所以好早就訓左

第三天早上,  8點多起身, 約9點出門口

本來諗住去永康街的總店的, 但oscar 話永康街只有東西食, 不如去忠孝那邊的分店, 至少食完可以行下街

於是改去忠孝站

換好晚裝後, 便向碼頭進發 (我換晚裝的時候, OSCAR 也換了CASUAL 的裇衫加牛仔褲)
碼頭頗大風, 雖然天陰陰的, 但影出來, 也見到藍天, 董主任好利害呀~~~
碼頭出面的地方是很滑的, 行路都要小心一點, 好彩我係著波鞋咋

碼頭不是影太多張, 跟住便出發出海灘 (每個景影幾個動作)
海灘涼涼的, 好舒服呢 (當然己換了拖鞋啦~~~)
海灘是繼大屯農場外, 另一個影最多相的地方
我地又在地下畫心心啦 (但, 唔多對稱-,-)
又用仙女棒影了幾款啦 (有用仙女棒畫心, 點知出來的效果比較似萍果.....)
本來以為影仙女棒的相要天黑才能影的, 但董主任說天黑的話, 影出來人便太黑, 無咁靚, 反而天暗暗的時候, 再加上打燈, 及角度, 影出來的效果更靚

坐了一會兒車, 便到真理教堂 (途中會經過淡江中學!? 以前周傑倫讀過的, 不過進去要付錢的, 紅紅的建築物, 其實都幾靚)
到真理教堂外 (其實外形唔多似教堂的)
影左幾張相, 好彩各景點都好近
其中有幾張是我企係個圓柱体上, 而頂都是圓的, 雖然著住波鞋, 但我都好驚會掉下來, 不過出來的效果都唔錯 (呢D 相要待收到相先有得POST 上來, 因為沒有拎相機呢)
其中有張簽名綢是用這裡的相 (之前忘了說, 在大屯農場選了一張相做30寸油畫, 和薰衣草做背景的7寸相)

離開真理教堂後, 便坐車去稻田, 是真的一大片稻田, 綠油油的, 攝影師特別提醒我們, 稻田的泥是很濕和很軟的, 若不小心踏到, 泥會到膝蓋的高度, 一定要行中間一條固定的小路

這裡也是影了幾張相, 整個背景都是綠油油的, 很靚

乘了一個小時車程, 終於到達淡水的大屯農場, 要付入場費 NT500 (FOR 一行人, 仲有飲品添, 咁多景, 價錢都OK)
一開始, 影下花, 好多花呀, 有太陽花, 薰衣草, 小小的紅紅, 黃黃花, 還有風車, 水池, 鞦韆等, 一個地方有咁多景色, 真好
每種花雖然只有約3行, 但多得董主任, 影出來好似舖天蓋地都花, 感覺好正呢

不過當天天氣十分熱, 而且沒有風 (幸好沒有太陽, 又沒有下雨), OSCAR 著上西裝褸後, 像開水龍頭一樣不停地流汗, 好彩有帶candy 出來, 不然, 不夠一小時, oscar 的化裝一樣全浴掉

可能因為好多花既原故, 農場內是有很多蝴蝶, 蜜蜂等等的小昆蟲, 而泥地都頗斜, 幸好是著波鞋 (之前沒有拍過婚紗照, 不知道是否間間都是容許我們把裙子弄得超污糟, 沾了泥, 還有濕了一太片, 攝影師董主任完全唔鍚裙, 行過花叢時, 我還擔心會不會勾爛裙呢)

影完花花和風車便影鞦韆, 感覺好浪漫呢, 木製的鞦韆, 好好feel 呀

因約了這天9點在影樓等, 故, 7點多起身, 執好當天要用的東西後, 8點鐘先到酒店地下食早餐
老實說, 幸好不用錢的~~~ 款式少, 有粥 (很水, 而且很淡), 有包, 有中式的早餐, 如菜, 瓜等, 但, 食不慣, 結果只是食了火腿, 腸仔, 和烤多士, 橙汁是開出來那些, 味道怪怪的, 好彩還有鮮奶, oscar 說coffee 還不錯, 所以之後2天都沒有在這裡食

食好後, 上房取行李 (拿一整個行李箱, 很多東西, 西裝一套, 裇衫3件, tie, belt, 拖鞋2對, 皮鞋, 高跟鞋, 安瓶, 短褲....) 跟住買點東西和水 (一整天是沒有時間用餐的, 只是乘車到不同景點時在車上食點東西, 故只是買了一包方包)

9點鐘, 準時到影樓後, 便開始化裝了, 不過化裝師candy 說我的安瓶太油, 用於面上不太好, 故只用於身上, 而因為我會帶candy 出去, 故面就不用安瓶, 可省點錢呢

我影了化裝前和化裝後的相, 好似2個人咁呀, 化裝技術真高~~~~

揀好我的婚紗和晚裝後, 便行去影樓, 其實是第二天化裝的地點, 先帶我們去一去, 免得第二天搵唔到

跟住去非常台北總店揀男裝, PACKAGE 包一套黑一套白的基本西裝, 但, 基本款果然好普通,結果都係要UPGRADE 套白色, 而黑色就著自己的 (要即時付錢的)

以下是各款白色西裝, 都是要加錢的款, 不用加錢的太樣衰, 沒有影相

哈哈, 著左西裝後, 好似即時瘦左

NICOLE 好知我心意, 一早揀定D 0岩我既衫, 以下是各款婚紗及晚裝, 因為未改, 好鬼大件, 試衫時都是用夾夾好先

第一套, 略為保守了點

第二套, 都唔錯的, 不過呢....後面的更鐘意

6月6日上午, 6點多起身, 天有點點陰

起身後, 洗面換好衫後, 再檢查一下行李便出門口

落到樓, 有少少雨, 但因只要過一條馬路, 雖然有拿傘子, 但都唔有用

先乘機場巴士去機場, 原以為搬到粉嶺去機場要好耐, 但原來搭巴士都係1小時左右 (7點9上車, 未夠9點到機場)

一上巴士就開始落大雨, 好彩早一點上車.....

4天的台灣之旅 + 婚紗相經己完成啦

多得4天的天氣也很不錯, 尤其影相當天天陰陰的, 沒有太陽, 但也沒有落雨

也要多謝幫我選衣服的, 化裝的, 攝影的, 真的很靚呀, 我覺得好似唔似我咁....似第二個人, 哈哈

要2個月先有得拎相, 不過我自己也影了一點點, 等下整理一下先

將會有整個旅行加攝影的過程, 熱切期待~~~~~

今天放工前先把東西交低一下 (雖然只是請一天假, 但很奇怪地, 總是你放假時有緊要事搵你-,-)

先去oscar 媽媽家拎行李箱 (住得近就有咁既好處), 仲拎埋湯添

回到家, 先上網買旅遊保

跟住呢, check下有咩要執

跟返上次去日本個check list 都差不多, 今次只係4日, 執少好多野, 起身唔駛拎電腦, 拎羽絨等冬天用品

經過了多天跟agent 聯絡
終於可以排到回程是下午4點起機,
太好了, 至少可以食埋lunch 先去機場
今次係坐長榮既機,
本來想book 港龍的, 平300蚊呢, 但回程只有上午11點,
最後都係揀長榮, 最尾一天多5hr 喎, 好多架啦
若是11點的話, 起身己要去機場...即係最尾一天乜都無....

呢個星期要研究一下行程, 己諗住最少要去鼎泰豐食下小籠飽,
cara 仲介紹要去食杜小月擔仔麵