Jasper & Jayden 的閱讀樂

又到放假既日子
返工的人, 最愛一定是放假吧.....
若答最愛返工.... 若不是老細們, 就必定是工作狂???

假日, 沒有特別節目的日子
睡到自然醒是最幸福的事吧~~~
反正不是7點多起身, 然就趕返工就己覺滿足

11點起身
hea 一下, 上一下網, 便約媽媽去食lunch
媽媽說她家樓下的明將ok喎, 試下吧
2個人, 點了5碟壽司, 加一個烏冬
壽司, 還好吧, 劍魚腩和油甘魚都ok
不過海膽就不太行了
至於個烏冬.....
幸好我只需要食一半.......
算吧, 反正我都無期望過

食飽飽, 出旺角陪oscar 行街買衫
夏天啦, 又到換季既時間
不過, 每天搭巴士的時候, 都覺得好凍
令我每天返工時都唔可以著背心啦, 短裙啦.... 好耐無買了....
巴士的冷氣, 可唔可以唔好咁凍呢....

oscar 收獲頗豐富, 買左3件衫, 托oscar的福, 我也買左件~~~

跟住行去電器街...... 旺角條行人路, 應該好似波鞋街和女人街咁改名, 成條街都係電器店....

我訂左部htc dimond 2 呀~~~ 不過比一出時的4480 貴左呀~~~
預計星期三會有貨喎~~~ 期待中....

最後, 行完信和便回家了
信和只係行左地庫一層咋... 本來我仲想行埋上面的 -,-
買左本漂澪37.... 不過, 好似35, 36 都未見.... 點解我咁忙架
one piece 都係睇到51
家中還有好多書未睇晒....
好忙好忙呀
如果每天可以早少少放工
早d 回家就好了

不過, 我在家時, 更忙

今晚, 一個晚上
我睇了第4, 5 集的鋼之鍊金術士1
睇了 1-6集的k-on
睇左一個ch 的天使與魔鬼, 我既目標係, 睇戲前睇晒本小說....

好.... 3 點了, 要早點訓了... 明天努力~~~

p.s. 我還有x-men 狼人外傳的影評, 和 "近又"炸豬排飯店的食評, 還有呢個星期一的日文課未寫呀
明天一定要打好... 放假真係好忙