Jasper & Jayden 的閱讀樂

今日去九龍站的圓方睇 地心探險記 3d 版
本來昨天上網買飛時, 是想揀機場的
因為機場的是地心探險記 3d 版 (特效版)
即係除左3d 同椅會震外, 還有嘖水, 而且價錢比圓方平, 70蚊
點知, check 過今天由朝到晚都無位
最後買圓方最後一排的中間 (各位, 若去圓方睇, 千萬不要揀最後一行....)

2點幾, 由旺角搭的士去圓方, (廿幾蚊, 原來都幾近喎.....因為第一次去圓方, 都唔知係旺角搭乜車)
去到圓方, 先去拎飛 (都幾遠的....商場頗大, 頗闊落, 不過大部份係名店, 無乜好行)
拎完飛, 仲有成個鐘, 無乜好行, 去starbucks 坐下飯杯野, 食件cake, 坐到3點幾, 行返去戲院

入到去.....唉
失策呀
點解最後一行, 同尾2個行, 會有成2呎既空間架......
搞到個影幕比尾2個行細左好多.....
唉

剛開場時, 還有好多人未入場, 搞到我前面不停有人行來行去....
點解d 人唔早d 到呀
下次一定唔買最後一行, 可惡

一開場, 即刻戴上3d 眼鏡, 好彩, 佢既設計係戴住眼鏡都仲可以再戴, 唔會有鬆, 或都掉下來的問題

只有一套預告, 應該係明年新年上畫的凌凌狗, 3d 動畫,
不過d 公仔好似唔係好吸引
到時再決定睇唔睇

地心探險記 3d 版, 成套戲都是3d 的, 可惜是最後一行, 東西凸出來的感覺 無咁明顯
(曾經睇harry potter 的3d 版, 坐第3 定 4行, 睇到頭暈及頭痛, 所以今次一定揀後一點, 點知太後添, 下次會識得揀)
而且坐位都會震, 雖然無海洋公園, 迪士尼個d既位震得咁勁, 不過我覺得都ok

講左咁耐, 講返套戲先
呢套戲都上左半個月, 現在仲未睇既, 應該都無興趣睇吧, 所以, 講下內容應該都無乜所謂

一開始, trevor, 班頓費沙做, 即mummy 個主角, 係個落魄教授, 個實驗室就快比人拎埋
某天, 大嫂帶姪兒找他, 著他照顧姪兒sean, 當晚, trevor 整理大哥max 的物品時, 發現了 Journey to the Center of the Earth 這本書, 還發現入面有很多max 的註釋
然後, trevor  介紹給sean 這本書, 還發現max 最後去的地方, 很有可能是冰島
於是, trevor 帶同sean, 去到冰島找和max相識的另一位科學家
可惜, 這位科學家己死了, 但他的女兒 hannah 發覺, 他的爸爸有一樣的書, 和一樣的註釋
故, 3人一同出發, 上山看看max 最後去過的地震探測器

就在這個時候, 突然行雷閃電, 3人避入山洞時, 雷電打在山洞附近, 令山洞封死
3人在山洞內尋找出路 , 由此發現通往地底的通道

由此時開始, 就是探險的開始
詳細的探險過程就不講了, 因為, 寫出來, 和睇, 是兩回事, 一點也不刺激了
不過, 呢套戲由頭到尾都是用3d 拍的
一花一草, 石, 水等等, 全部都好似凸出來
視覺效果真係好正

全片個半鐘, 我自己睇完唔覺有乜野,
不過oscar 話睇完隻眼好累喎
睇3d, 隻眼會有分別的嗎
如果長d 仲開心
呵呵