Jasper & Jayden 的閱讀樂

最後一天了

反而訓得比較遲, 因為d 手信店不是太早開門.....

一早諗住待最後一天才買手信, 故要在一個早上買齊所有東西 (因為睇旅遊書, 在台北車站搭巴士走比較快和方便, 於是我們便帶同所有行李出發, 去程時, 因為要小心d 西裝和裇衫, 故放東西時留了很多空位, 避免西裝和裇衫會弄縐, 到回程時, 便把手提袋的東西都放進行李箱, 輕鬆行街)

第一站, 先去中山站的李制餅家買鳳梨穌, 明明睇旅遊書, 話係10點開, 我地己plan 好10點買完便去西門町食早餐, 點知呢, 去到先睇到改左10:30開門, 仲有半小時, 點算好, 好彩, 行前一點有間mos burger...... (去到日本又食, 台灣又要食)

台灣的mos burger, 分2層, 坐得好舒服, 空間又大, 又無乜人

野食送到了

這是我的早餐, 番茄奄列漢堡, 淡淡的, 無乜味....我還是鐘意我的芝士漢堡

台灣限定, 南洋雞漢堡, oscar 的, 味道ok

跟餐的炸蝦, oscar 點了我才想起他有點喉嚨痛, 好彩最後無病

食到10點半, 我先行去李制餅家睇下開門未.....點知仲未開....搞錯呀, 咁唔準時架

最後, 差不多10點45分先開門, 一開口, 立即買了1盒大, 2盒細, 跟住即刻去下一個目的地, 西門

無影到店門口, 影返張鳳梨酥吧

到達西門, 才11點多, 好多店舖都未開, 天氣又熱, 我們先去老天祿買鴨舌, 呢到既鴨舌好出名, 是必備的手信, 雖然外邊無乜人, 但店內己好多人買東西, 人人都會買鴨舌, 佢有半斤的盒裝, 和散買分, 散買是沒有封口的, 若不是想即食試下, 請買盒裝 (是用保鮮袋封口再入盒, 故回港後若有需要, 也可以分給別人的)

買完鴨舌, 時間尚早, 好多店舖仍然未開門, 於是去老天祿斜對面的菓風小舖買手信, 入面有好多好得意既棉花糖, 買來做手信一流

鐵羊用功散, 盒上寫住萬能醫病, 好搞 笑的

ok繃, 朱古力味

還有薄荷味添

呢個都好搞笑的

呢個先勁~~~ 是棉花糖呢

還有2隻色揀添

買完手信, 天氣熱熱的, 想去食楊桃冰, 點知又未開門, 見到青蛙下蛋 (士林見到好多間), 於是買杯來飲下, 都幾好味喎

圖中的就是愛玉加檸檬汁? 但其實, 是什麼做的呢?

呢間就係成都楊桃冰啦, 到最後都無得食, 因為仲未開~~~

等來等去都等唔到, 結果我地就去台北車站乘機場巴士去機場了

下回預告~~~ 台北機場食lunch, 加hellokitty 候機室