Jasper & Jayden 的閱讀樂

由睇樓, 到落訂, 到成交, 裝修, 直至入伙, 足足搞了半年

花了無數時間, 金錢後, 由一間殘殘舊舊既屋, 變成現在咁靚, 真係花唔少心機

前日晚上, 回到家己十點多, 努力再執屋, pack 多幾箱, 到12點幾, 好眼訓, 諗住第二日搬運公司1點先到, 應該有足夠時間清好所有東西....

點知, 昨天9點多起身, 剛好換完衫, 準備清理間屋, 10點鐘, 運輸己到@@

結果, 運輸一邊搬我們己pack 好的, 一邊我地在努力快快手執執執

本來想影下搬運過程, 都因為我地實在太忙而沒有影..... 太可惜了

十二點左右己搬好晒d 野, 媽媽跟車過去, 我跟oscar 留在家看看有沒有東西留下, 以及略略清理一下, 結果, 比oscar 發現廚櫃下竟然留下一個大鑊.....@@ 真大獲, 除此以外, 還有些雜物, 如, 2件褸, 3個背包, 幾盒東西, 唉, 結果, 我地只好拎住大堆東西搭巴士去新屋......

去到新屋, 運輸己走了, 努力努力地執野, 等埋張床褥, 跟住出去食野 (己是2點多, 全日無食過野...餓死我)

食飽飽, 去日本城買點小東西, 跟住回家又執野, 5點多, pccw 上來幫我們set 好上網及now tv, 但, 他走了後, 才發覺, 上網上不到, now tv 又睇唔到....點解唔試埋先走架!!! 跟住, 又要打去問, 又要check, 結果, 7點幾出去食飯, 9點幾, pccw又再上來幫我地搞過

今次終於搞掂好, 我地又再努力執野....

昨晚執到2點幾, 終於把成間房執好, 個廳都差不多, 只剩下少少東西

累死了