Jasper & Jayden 的閱讀樂

這2天都係新屋清潔日, 昨天清潔好廳, 房既地板, 洗了廁所, 咁就搞左半日

今天早上己出荃灣拿了窗簾, 諗住下午會洗好窗同廚房, 咁就算完成清潔啦

明天就送家傢, 以及把煤氣熱水爐, 乾衣機先搬去新屋, 真係好忙

但家中好像還有大堆東西未執好

昨晚執了廳的組合櫃, 舊vcd 不要, 有些很舊的cd 也不要, 有些新一點的, 遲下拎去旺角, 睇下賣得幾多錢......執下執下, 先發覺以前都買了很多cd, vcd 回來, d cd 成差不多100 一隻, 其實真係幾貴@@ 怪不得現在無乜人買, 而且, 以前d 歌, 好似好聽d, 現在好多所謂的歌手, d 歌都唔得既.....

前日執自己床下底, 好多舊日記和舊信, 好像, 返工後都無寫日記得, 讀書時, 好有恆心, 每天都寫的, 寫寫埋埋, 都有十幾本架, 不過, 其實我都唔會拎返出來睇, 本來想掉了的, 但oscar 話怕比人睇到....哈哈, 呢d 野, 邊有人睇架, 又無咩特別野寫.... 不過, 最後都係搬埋去新屋, 到時搵位放算了

我間房叫做大致執好, 有些每天要用的, 留待最尾先執, 而廳, 好似仲有好多野咁....今晚回來一定要清左廳先..... 另外, 重點項目, 廚房, 媽媽好多煲煲碟碟, 到時實有排執, 仲有好多調味料, 雜物, 乾貨, 唉, 點會有咁多野架.....

呢幾日, 我都會處於十分忙碌之中, 可能都唔多得閒上網出post 架啦.....不過, 一陣會影下新屋既相, 趁現在未有傢私嘛, 跟住明天傢私到了, 搞掂晒後, 又要影下相....真係好忙....

今晚仲要影下我地d 執屋過程, 間屋好似比人打劫完咁....亂到九彩.....