Jasper & Jayden 的閱讀樂

忙足成個星期.....

3月14日 星期五

經媽媽格價後, 選了一間搬運公司, 晚上送了30個紙箱來, 我一早叫媽媽拿封箱膠紙回家, 佢竟然忘了, 結果, 有箱, 無得執, 好彩, 還有一堆紅白藍膠袋, 可以先執d 衫

3月15日 星期六

上午去食早餐, 跟住買d封箱膠紙回來, 中午出荃灣拎返床頭板包皮, 即把床頭個塊木板拎出去比人用皮加d 棉花包好佢, 唔係去傢私店買傢私, 特別多野搞

係荃灣見到整窗簾都ok 抵, 幾百蚊一個窗, 費時返大陸整, 車錢都要返咁上下, 不過等星期日, 同oscar 一齊揀.....費時揀完佢又話唔鐘意-,-

拎住塊大大木板, 搭車去新屋, 呢日, 又無人來開工, 只好做下清潔, 因為牆身己油了一部份, 地下超級多灰, 油, 還有d 膠水跡, 勁難洗, 下次要拎d 鋼絲刷先得

之後出去買野, 先買浴室的鏡, 還有浴室洗手盆上的五金架, 花灑附近的五金架, 仲有窗簾軌, 鬼咁多野買.....

3月16日 星期日

中午出荃灣揀窗簾, 千幾蚊做3個窗簾, 我地間屋d窗都頗大隻, 價錢都ok 既, 整完, 食lunch, 又去新屋洗下野

3月18日 星期二

因為呢個星期完工, 又要去新屋睇下, 牆身好像油晒了, 廳tv櫃那一面的牆身好像太淺色, 若深一點會更好, 不過2間房的顏色都很好, 很滿意

其他地方, 好似d 門有少少花, 師傅應會執執色的

3月19日 星期三

好利害呀, 我自己一個上大陸, 之前咁多次都有同事一齊上, 今次得自己一個, oscar 鬼咁緊張, 一早叫我先除下所有飾物, 過關又要打比佢, 到公司又要打比佢, 不過, 其實去過咁多次, 我都不知幾熟路

放工回到香港, 又再去新屋, 約埋媽媽做清潔, 一晚既時間, 洗好2間房同半個廳既地板, 鋼絲刷是好好用的, 不過, 好累呀......

3月18日 星期四

放工回家, 又要努力執野, 但, 點解執極都好似仲有好多野未執架呢.....