去北海道旅遊, 首先要考慮你想點樣去北海道
坐飛機? JR ? 還是巴士呢?
如果你諗住只玩北海道, 最好當然係直航啦, 由香港前往札幌，現時只有國泰提供直航班次。CX580 香港0940起飛，1530到達札幌。CX581 札幌1640起飛，2050抵港。注意只係星期三、四、六、日有航班，請上國泰網頁查詢。(夏天旺季可能有加班包機，可向旅行社查詢)
如乘坐日航或全日空，則須要在東京或大阪轉機。好處就係可以一次過玩埋本州同北海道。(若你坐日航, 全日空及國泰可以特價購買內陸機票, 約10000日元一程, 不論任何機場都得, 好方便架, 所以坐呢3間比較好, 而內陸機方面除JAL及ANA外，Air Do (北海道國際航空) 亦提供廉價國內航線往北海道各城市。)
各航空公司均有推出package，某些會包括溫泉旅館或滑雪套票，要加以比較。
往北海道機票於旺季尤其緊張。如果想暑假或大時節出發最好早幾個月預訂。
航空公司 & Package
國泰航空 http://www.cathaypacific.com/
國泰假期 http://www.cxholidays.com/
日本航空 http://www.jal.com.hk/zhhk/
日航天地 http://www.jalselect.com.hk/
全日空 http://www.anaskyweb.com/hk/e/index.html
藍天假期 http://www.anaskyholiday.com.hk/chinese/pp_cont.asp
新千歲機場
前往北海道的國際航班一般會降落札幌附近的新千歲空港。機場只有一個Terminal，位於2/F的離境大堂有大型商場，有各式各樣精品及手信。(記得入閘前購買，禁區內是沒有商店的)
http://www.new-chitose-airport.jp/language/chinese/index.html
由機場往札幌市中心，最方便係坐JR快速エアポート (Airport Express)，單程1040yen，車程36分鐘。車站位於機場大堂底層。另有列車前往小樽及旭川。
除鐵路之外，亦有巴士前往札幌市中心，但行車時間較長及要中途停站，不及火車直接。另有長途巴士往登別、洞爺湖、二世古等地。
除左坐飛機, 都可以選擇搭JR 去北海道既
本州往北海道
若手持JR全國pass，就可免費乘新幹線到青森的八戶，再轉特急列車經函館往札幌。但車程甚長，約需十小時。
或者可坐寢台特急北斗星號夜車 (要補差額)，晚上由東京出發，翌日抵達札幌。
鐵路
基本上所有鐵路線都由JR北海道經營。
如果會坐多程長途火車，購買Pass可能較抵。JR北海道有兩種Pass：
Hokkaido Rail Pass: 普通席三日pass 14,000yen，五日pass 18,000yen。可任坐北海道路線及大部份JR巴士線。建議到達北海道後購買，可慳返兌換率。
Hokkaido Free Pass: 普通等七日pass 23,400yen。比Hokkaido Rail Pass多些少限制。只在日本發售。
持有Pass可於車站counter預訂指定席，唔怕上車無位坐。
其他套票：
札幌-小樽 Welcome Pass: 一人1500yen，可一天內任坐札幌～小樽之間的JR及札幌地下鐵全線。
JR北海道 http://www.jrhokkaido.co.jp/
Hokkaido Rail Pass http://www2.jrhokkaido.co.jp/global/chinese/railpass/rail.html
Hokkaido Free Pass http://www2.jrhokkaido.co.jp/global/english/railpass/free.html
札幌-小樽 Welcome Pass http://www2.jrhokkaido.co.jp/global/chinese/railpass/welcome.html
其他區間 Pass (日文) http://www.jrhokkaido.co.jp/network/kipp/kipptop.html
路線及車費搜尋 http://www.ekikara.jp
地下鐵
北海道只有札幌有地下鐵，有南北、東西、東豊三條線。大通站係三條線的轉車站。地下鐵一日乘車證500yen。
http://www.city.sapporo.jp/st/
要去沒有鐵路服務的地方，就要靠巴士。JR北海道巴士及北海道中央巴士的路線覆蓋大部份地區。
JR北海道巴士 http://www.jrhokkaidobus.com/
北海道中央巴士 http://www.chuo-bus.co.jp/
道北巴士 http://www.dohokubus.com/
道南巴士 http://www.donanbus.co.jp/
二世古巴士 http://www.niseko-bus.cbbs.co.jp/
北都交通 http://www.hokto.co.jp/
阿寒巴士 http://www.akanbus.co.jp/
網走巴士 http://www13.ocn.ne.jp/~abashiri/
釧路巴士 http://www.kushirobus.jp
租車
北海道地方遼闊，租車遊覽比坐火車巴士更方便。只要持有國際車牌，便可在日本租車。
日本同香港一樣右軚駕駛。出發前應計劃好路線。駕駛時要注意車速。
各大城市勻有租車公司分店。可以在網上預約，到步後取車。大部份車會包括GPS導航系統。
在香港的日本書店可買到Rurubu和昭文社出版的駕駛旅遊指南，有不同駕駛路線介紹。雖然係日文但睇地圖同公仔都唔難明。
Tocoo (廉價租車網) http://www2.tocoo.jp/?file=rentcar_inbound/main
Orix http://car.orix.co.jp/
Nippon http://www.nipponrentacar.co.jp/
Ekiren http://www.ekiren.co.jp/
Toyota http://rent.toyota.co.jp/
Nissan http://nissan-rentacar.com/
Mazda http://www.mazda-rentacar.co.jp/
北海道地圖及道路狀況 http://northern-road.jp/navi/
留言列表
旅遊日誌 (10)
