Jasper & Jayden 的閱讀樂

昨晚去睇異獸戰2, 想不到昨天早上才買旺角朗豪坊的戲飛都仲有位, 仲要係ok 後既k行, 雖然不是正中, 但都ok 架

可能我地睇11點幾, d 人要去倒數掛

今集的開頭節奏比較慢, 不過上集都係差不多, 要舖排d 異形同埋鐵血戰士的出場同介紹一下鎮上的人嘛, 不過中段開始, 不停有異形出來, 上次係個古蹟到, 人就得咁多, 所以唔夠多, 咁次成個鎮, 好多人死左連畫面都無~~~~~

以下係劇情, 諗住去睇既話, 請唔好睇下面的介紹

一開始講上集鐵血戰士帶走同伴後離開地球, 係太空中, 異形在鐵血戰士的屍体中出來, 仲整死埋太空船中鐵血戰士, 鐵血戰士死前發出訊號

遙遠的鐵血戰士星球收到訊號後, 出發去地球 (為什麼得一隻出發呢??? 叫多一兩個人唔係好d咩.....)

另一方面, 得返隻異形的太空船因為無人鴐駛, 跌返落地球 (其實, 正常來講唔係應該set 好自動駕駛架咩, 好似飛機咁, 正常就算無人都會照飛, 係無人降落0者~~~)

成架太空船跌左落美國的一個小鎮的森林內, 美國真大, 這樣一個小鎮竟然離大城巿咁鬼遠, 話係小鎮, 其實比村落太一點點, 成條村都唔係好多人

日間, 係森林入面, 一對父子在打獵 (怪不得美國小朋友都會開槍啦, 得個十歲八歲就教開槍), 行行下見到架太空船, 好似有野走出來, 於是好快咁想走, 但比d 小異形捉到, 個阿爸隻手仲斷埋, 再醒返就比異形在身体裡爆出來

另一方面, 森林裡一條水渠有2個老人和一隻狗住著 (老實說, 住係咁既環境, 無異形都會嚇死), 隻狗發現之前阿爸隻手, 跟住報警

d警察係森林要搵對父子, 而時間亦去到晚上, 成晚都搵唔到, 於是收隊, 其中一個無走到, 走走下, 見到鐵血戰士把對父子的屍体化了 (d藍色水咁鬼勁, 小小就可以成條屍無晒), 於是想走, 點不知身上的對講機出聲, 令鐵血戰士發現佢, 咁就死左~~~

呢個時候, 水渠的老人開始遇到異形, 就咁就死左..... (基本上, 人係異形面前係無乜反抗能力的)

第二日, d人發現死在森林裡的警察, 開始知道事件不簡單

到晚上, d 異形終於入到小鎮了

因為死的人太多, 好難講晒d人死既先後次序~~~

到中段, 幸存的部份人, 想到了要有武器才能自保, 於是走到武器店 (係美國先會一個小鎮仔都有武器店~~~~~) 係入面, 其中警察利用無線電call 國衛軍, 點知國衛軍到場, 無幾耐就死晒 (咁鬼差架, 有坦克, 又有槍, 幾分鐘就死晒)

佢地再call 唔到國衛軍, 就去架坦克個到睇下, 點知d人無晒, 佢地駕住坦克, call 到總部, 叫佢地去巿中心等

行到半路, 其中有人覺得唔對路, 巿中心咁多異形, 但有一半人覺得應該要信政府, 於是, 呢班人就分成2半, 一半人決定去醫院, 利用醫院的直昇機走, 一半人去巿中心等政府

去醫院個半, 發覺醫院既人己死晒 (咁都仲入去, 都幾勁~~)

一路向上, 好彩半路無人, 點知去到高層, 異形同鐵血戰士交戰中, 一個女仔咁就死左, 都幾無辜~~~ 但亦令佢地得到鐵血戰士的武器

另一方面, 集中在巿中心的人, 要面對大量的異形, 即使有武器, 都唔可以捱好耐, 但國衛軍說好快到, 佢地只有堅持下去

醫院一行人己到頂樓, 見到架直昇機, 呢個時候, 好彩拎左鐵血戰士既武器, 佢地反而係最安全

其中3人入左直昇機, 一人負責阻礙異形, 好彩2隻互打, 佢地4個先有機會開走

開走不久, 國衛軍的空軍到達, 但不是救人, 而是放下炸彈, 不論是巿中心的人, 還是異形, 鐵血戰士都死晒, 而直昇機上的4人便是唯一幸存者

最尾, 講國衛軍沒收了鐵血戰士的武器

會唔會有第三集呢??

今集打既場面勁多, 死的人更多, 除左開頭介紹的節奏慢dd外, 都唔錯

故事就無乜架啦, 不過, 睇呢d, 故事內容都唔係重點, 最緊要打得勁~~~~

鐘意睇既就會覺得好睇