close
因為聽說深圳的磁磚, 燈飾及傢私價錢比香港平
所以今天就上深圳睇下
放假都要8點起身, 好彩昨天可以遲起身, 不過oscar 就訓d, 成個星期都無得遲起身
約埋oscar 的父母係上水出發去落馬洲
第一次去落馬洲站咋, 無乜人, 過關好快, 不過呢, 配套真係好差
又無地鐵, 又無的士
出去只有一個巴士站, 但我地要等個架車又等極都等唔到
結果都係要行出去搵的士囉-,-
因為仲約左oscar 的叔叔2夫婦一齊行
我地先飯荼之後先去行
食完埋單既時候, oscar 竟然遇見中學同學
嘩, 好有緣呀, 返大陸都會撞得到
我地既第一站係金海馬家具世博中心
一入去第一間就係紅萍果啦, 呢個牌子是hk 的, 不過香港現在好似好少見了
我地見到1d深木色家私好吸引呀, 不論係款式或價錢都係,
詳情請看下一編 "紅萍果"
行完紅萍果, 地下個層其他都唔係太吸引
一係款式太老套, 一係就太貴, 再唔係就太大件
可能內地地方比較大,
好多家私都好大件
尤其d床, 張張都6呎咁, 個床架仲要勁大個隻
就算我間房乜都唔放, 都擺唔到咁大張既床
行上2樓, 本來己諗定買紅萍果架啦
點知比我見到間賣薰衣草木色的家私店, 叫做淡泊家居
(薰衣草木色 就係深木色中帶紫色的, 好靚架, 一見就勁鐘意)
價錢雖然比紅萍果貴一點
但相比起香港, 還是很有吸引力的
係呢個時候, 呢間淡泊家居就成為我地既首選了
2樓既其他家私店都無法再吸引我地
因為一係就係個d酸枝家私, 一係就好colorfull 既焗漆
梳化, 床個d又勁大張
行去另一邊落返地下, 原來仲有架
見到有芝華士專門店呀
我地之前係文華軒睇中個張頭等機艙坐位都有呀
不過呢, 12800 包一張3座位, 1張2座位, 同一張單人
加電動鉸就每個800
但唔包轉色囉
佢個set係淺黃色
一來唔襯, 二來又易污糟, 不過佢話可以加錢轉色喎,
但送貨又要加幾百,
如果係香港買, 7千幾未計自動鉸3座位, 電動鉸每個1000
不過唔駛送貨錢之餘又可以轉色
好似又好少少喎
睇完芝華士, 係個金海馬己睇完了
之後我地坐車去樂安居
樂安居好出名係
專係賣建築, 裝修, 家私等等有關既野
我地先睇家私部份
無乜特別
可能個set 薰衣草木太吸引吧
行入少少就係磁磚了
好多款都係香港見過, 唯一有隻亂格仔好吸引
價錢又平
淺色的11蚊塊, 深色的12蚊塊
睇完磚, 望下仲有d乜,
有好浴室用品
不過oscar 話唔好係大陸買, 所以都無行去睇
上一層, 2邊係廚櫃, 中間賣木地板
因為2樣都無興趣睇, 好快咁行左去睇燈個邊
d燈飾真係勁多款
眼花撩亂
價錢又平
幾百蚊咋, 又靚又新款
真係好吸引
不過我地仲未有邊款特別睇中, 遲下等裝修得七七八八,
應該都要再上來睇多次
窗簾都有好多間, 但呢d, 遲下先睇都唔遲
樂安居都睇得八八九九, 我地又坐車去第二到了
今次既目的地係好百年
之前上網己知好百年有好多傢私
真係好大好多
不過, d家私一樣好多件-,-
唯一係中既係另一間都有薰衣草木色的
不過, 相比之下
還是覺得之前個間淡泊好dd
我諗去得好百年買家私,
間屋都要有返咁上下大間囉
唔係d家私根本擺唔到
睇到幾靚都無用啦
因為佢又唔係訂做既,
買現成家私
咁鬼大件
就算我遲下買間過千呎既都放唔落
行完好百年, 己6點半
因為好累又好餓
所以就去食晚餐
食完便過關回家了
所以呢, 一陣要早d訓
全站熱搜
留言列表
旅遊日誌 (10)
