Jasper & Jayden 的閱讀樂

呢套戲幾好靚的, 但....

點解無線d 戲, 總係令人覺得d 編劇無用腦諗清楚既呢....

成套戲結構都唔錯, 雖然有隻女鬼, 但總算正正常常, 至少唔會好少金石良緣咁, 個個人性格都有問題

但, 古靈精探唯一人物構想出問題的就係女主角晶晶....佢既行為同性格, 原來唔似一個合格既警察, 如果香港d 警察, 有幾個好似佢咁...都死得人....

捉賊捉到底係0岩既...但....好似那個大口英, 都無證據, 日日話要拉人, 比你拉到又點, 咪又係要放....仲要咁衝動, 成日一個人去捉....唔好話多呀, 2,3個同伴你都唔夠打啦!!! 咁既性格, 又會學堂畢到業又奇怪喎.....就算畢到業, 咁鬼衝動, 應該做唔夠一年死鬼左, 所以佢成日有意外, 完全唔關呀于sir事, 應該話, 佢咁耐都唔死先奇怪....

今日終於買左mario kart 啦, 399, 價錢算係ok 啦

晚上開來試試, 果然好好玩呀, 拎住個軚盤, 好有真實感, 呵呵呵

而且, 玩左around 1個鐘, 都唔會話好重, 再玩多陣仲ok 架...

不過呢, 一開始只有好少賽道, 可能要拎高分開有新賽道吧, 我會努力的!!!

呢個就係大大盒的mario kart 啦, 內有game 及軚盤1 個, 若要雙打, 又想拎住個軚盤, 就要買多個啦, around 120左右

剛剛把深雪的閃閃鑽石糖睇完了

先略略講下呢本小說既內容先

呢本書既4個主角, 其實都唔係第一次出場

係之前既小說己出現過

小嬋與阿光這一對, 之前係二姝夢己出過場

昨晚買了新一期的 g zone (上星期那期, 好像星期六己找不到, 咁好賣咩

原來wii 的孖寶賽車己經出左啦

不過, 第一天有貨時, 竟然要500蚊, 實在太貴了

雖然現在的日元升了

但也無理由咁貴嘛 (wii fit 都未仲買添, 睇怕又要下個月了, 一個月最多買一隻game 就好了)

先說一下題外話, 剛剛發現, 自從搬家了以後, 我update blog 的進度又回復到旅行前, 大約保持一日一篇的進度吧, 還真的不錯!! 希望人流可以多一點吧.....

這幾天, 突然覺得有點懷念打online game 的日子

話說自year 2 的時候, 開始打online game (估下我玩的是那一隻....)

因為讀緊書, 所以可以一得閒就玩, 返學多空閒時間, 一日可以玩好多個鐘, 升下lv, 和朋友去解下任務, 傾下計, 真的好開心呢

而且, 一隻game 可以玩幾年, 應該以後都無乜機會

今日食完lunch 去行下書局

買左深雪新出的小說, 和台北旅遊全攻略, 為6月去台灣做準備

先講講深雪本新小說先

一直好鐘意深雪的小說, 雖然每本都是一個獨立的故事

但好多時都有所關連

自從日本回來後,

這個blog 的人數真是每況愈下......

尤其搬屋前後的時間....

我又沒有時間寫新文章...

好像又沒什麼人留言....

不久之前, 每天lunch 還有很多飯腳的

但

由3月開始,

單是我的dept 己走了4個人

還有3個是每天食lunch 的飯腳

話說今早起身, 和媽媽到樓下間水電工程店諗住整晒衫的不鏽鋼通,

諗住可以節省不少煤氣費

點知今晚oscar 回來時大發脾氣

又話枝不鏽鋼通安得太高唔靚,

又話搞到個窗開唔盡

很喜歡睇茶煲阿四, 剛巧做大結局時身在日本沒有機會看

回到香港, 一直很忙, 直到今天才有時間睇

真的好感人, 好好睇

結局也不錯, 算是大團圓吧

老實說, 整套戲的劇本, 情節都好合情合理, 不似得無線的劇集, 不是完全估到, 便是毫無理由可言, 實在是精彩, 而且, 每集的內容都好充實, 不會硬是為足20集而拖戲

上星期六去博覽館睇郭富城演唱會, 飛是朋友給的, 480 元的票 (若要錢的, 我一定不會買咁貴的....), 這個場地比紅館大, 但比紅館淺, 故, 即使是山頂位, 也不是太高, 我們的位置後面只有多十多行, 也不知道是多少錢的票 (若是380.... 山頂也380, 找誰買, 若平一點, 480 一跌便到2xx, 也很奇怪....)

算吧, 反正不用錢的...

8點半左右開場, 全晚唱了很多經典過, 像是對你愛不完, 國王的新歌等等, (新歌反而不太清楚.....) 最特別是舞台, 可以360度轉, 轉既方向, 可以是左右轉, 上下轉, 上下左右轉, 好特別, 但當轉至背向你時, 什麼也看不到.... 有一點點差勁 (平日, 若是4面台, 即使唱到那裡, 最少見到人影, 雖然細一點, 但這個, 背著便只看到台的背後, 是什麼都看不到的....只有看電視...)

另外, 最尾自彈自唱頗驚喜, 有板有眼, 都唔錯

最後, 玩水個到真係好好feel....雖然, 前排即使有雨衣, 應該都會濕, 但, 真係幾勁

昨晚在青衣城睇越空行程, 平日去青衣城睇戲唔錯的, 人少少, 即場買飛位置也不錯

講返套戲, 我係日本時, 電視上不停有呢套戲既廣告, 當時己諗住回香港要睇架啦

故事一開始, 就講主角回憶起8年前剛有空間轉移能力既經過, 以及講下佢呢8年來既悠閒生活, 不過講真, 雖然佢可以隨時入銀行拎錢....但手法也太差了吧.. 每次只取一點點, 人家也未必發現呢...

再者, 咁多錢, 放入銀行也好, 買樓買股票也好, 成世洗唔晒, 仲駛乜煩次次去拎呢

講返佢既敵人, 獵手, 狂熱宗教份子其實跟恐怖份子無乜分別, 這種特異功能, 講乜只有神才能做到....... 好像很無謂的, 花咁多氣力, 只為追個幾年前既銀行劫匪, 簡直係浪費資源....

今朝起身....好凍, 凍到手腳都無感覺...去天文台個網望下.....

嘩, 荃灣得5.8度....上水6.6度, 真係超級凍!!!

反而赤柱竟然有9度......咁暖既.....

北海道咁凍,

諗住係yahoo 拍賣到買對毛毛雪靴,

今日出旺角拎, 好失望~~~

一來同張相差好遠, 我都明白賣家應該是從日本雜誌找款式, 然後搵大陸廠做

但, 都要做得似d, 同埋靚d 嘛...

befunky http://www.befunky.com/ 可以load 相或經url 取相, 然後變成卡通版, 修改, 仲有貼紙相功能, 可以加唔同accessories 入相內, 勁得意, 睇下我既完成品

都ok 似架.....

等我再研究下仲有咩function 先

雖然我鐘意去日本, 但都唔會放過世界上其他好玩既地方, 旅遊節目係我最鐘意睇既電視節目, 除左大陸的唔睇, 基本上邊到都會睇下

今日睇到話2月22日開始, 會有陳奕迅帶去澳洲的塔斯曼尼亞, 全島有三分一係自然生態保護區, 有天堂島外號架

塔斯曼尼亞旅遊局: http://www.discovertasmania.com/

若然你會去旅行, 記得去2號客運大樓換利是

由即日至2月19日, 只要憑當日登機證, 就可以即時拎30蚊現金卷, 不設消費下限, 每第10個仲可以額外多20蚊, 此舉係希望d 人多d 行下新開的2號客運大樓, 係有錢派既情況下, 我諗你一定會去拎掛~~~~

今年北海道咁凍, 去旅行, 當然要買定d 裝備啦, 仲要去咁多日, 唔預備好, 去到日本先發覺唔夠暖就煩了, 呢個星期開始執定d 野, 睇下有咩欠要買, 買下買下, 都買左唔少錢, 睇下以下表:

1. 羽絨, 上次去東京買左件the north face, 我自己就無買新羽絨, 但oscar 個件columbia 3合一太重了, 入商場要除太煩, 買左件the north face 新出薄身羽絨, 雖然比較薄, 但好暖的, 仲會拎埋columber 的外風褸, 就算去到旭川或網走, 大大風都唔怕嘛, 咁就千幾蚊
   
2. 太陽眼鏡, 始終冰天雪地, 帶埋太陽眼鏡好d, 我自己戴con, 買幅無度數就得, 平平地, 但oscar 要配度數, 又駛成2000蚊
   
3. 雪褲, 今年咁凍, 本來諗住淨係著牛仔褲的, 結果都買左條雪褲, 係羽絨店買, 250
   
4. 手套, 本身有冷手套, 但去雪地, 如果要玩雪既話, 一定要有防水既手套, 係羽絨店見到80蚊既2合1手套, 內層係fleece, 外層係poly 料, 可拆出來用, 才80蚊, 但沒有女裝了, 得返男裝, 再去旺角搵, 幾間專買羽絨的都無, 結果係女人街買左對60蚊的手套, 好曖, 單是女裝都有size分, 買左對中size, 雖然唔拆得, 但都ok
   
5. 暖蛋, 雖然暖蛋出左好耐, 但我一直都無買過, hk 唔會用, 上次去東京, 亦未凍到要用....但今次一定要買, 今日係7仔買左3個, 每個10.9, 萬零一樣的要14.5 呀, 昨天去sasa 賣晒, 另外, 係sasa 買左2pack 暖蛋芯, 10蚊有5個, 係7仔, 一個賣5蚊架, 所以一定要格下價, 唔係買一兩個, 小數怕長計嘛
   
6. 暖貼, 貼係衫個d, 昨天係sasa 買左一pack, 10塊, 22.9, 打個包裝, 都幾大塊, 應該只係貼衫, 聽說有貼鞋用的, 又要再去搵下
   
7. 厚襪, 前日係旺角中心, 搵到d 好暖, 好厚既襪, 39蚊2對, 買左4對, 本來想搵下仲有咩好d, 但最暖而又比較抵就係呢隻, 另外仲買左d 薄身既襪, 咁住打底用, 勁抵, 3蚊對....會唔會好易洗爛呢.....另外, 仲有厚一點的, 4 蚊對.....