Jasper & Jayden 的閱讀樂

今年北海道咁凍, 去旅行, 當然要買定d 裝備啦, 仲要去咁多日, 唔預備好, 去到日本先發覺唔夠暖就煩了, 呢個星期開始執定d 野, 睇下有咩欠要買, 買下買下, 都買左唔少錢, 睇下以下表:

1. 羽絨, 上次去東京買左件the north face, 我自己就無買新羽絨, 但oscar 個件columbia 3合一太重了, 入商場要除太煩, 買左件the north face 新出薄身羽絨, 雖然比較薄, 但好暖的, 仲會拎埋columber 的外風褸, 就算去到旭川或網走, 大大風都唔怕嘛, 咁就千幾蚊


2. 太陽眼鏡, 始終冰天雪地, 帶埋太陽眼鏡好d, 我自己戴con, 買幅無度數就得, 平平地, 但oscar 要配度數, 又駛成2000蚊


3. 雪褲, 今年咁凍, 本來諗住淨係著牛仔褲的, 結果都買左條雪褲, 係羽絨店買, 250


4. 手套, 本身有冷手套, 但去雪地, 如果要玩雪既話, 一定要有防水既手套, 係羽絨店見到80蚊既2合1手套, 內層係fleece, 外層係poly 料, 可拆出來用, 才80蚊, 但沒有女裝了, 得返男裝, 再去旺角搵, 幾間專買羽絨的都無, 結果係女人街買左對60蚊的手套, 好曖, 單是女裝都有size分, 買左對中size, 雖然唔拆得, 但都ok


5. 暖蛋, 雖然暖蛋出左好耐, 但我一直都無買過, hk 唔會用, 上次去東京, 亦未凍到要用....但今次一定要買, 今日係7仔買左3個, 每個10.9, 萬零一樣的要14.5 呀, 昨天去sasa 賣晒, 另外, 係sasa 買左2pack 暖蛋芯, 10蚊有5個, 係7仔, 一個賣5蚊架, 所以一定要格下價, 唔係買一兩個, 小數怕長計嘛


6. 暖貼, 貼係衫個d, 昨天係sasa 買左一pack, 10塊, 22.9, 打個包裝, 都幾大塊, 應該只係貼衫, 聽說有貼鞋用的, 又要再去搵下


7. 厚襪, 前日係旺角中心, 搵到d 好暖, 好厚既襪, 39蚊2對, 買左4對, 本來想搵下仲有咩好d, 但最暖而又比較抵就係呢隻, 另外仲買左d 薄身既襪, 咁住打底用, 勁抵, 3蚊對....會唔會好易洗爛呢.....另外, 仲有厚一點的, 4 蚊對.....


8. 樽領打底衫, 買左d有 pattern 既, 因為屋企有好多淨色, 昨天數下, 有成十幾件, 應該都夠用, 因為會洗衫嘛~~~~


9. 帽, 本來上次去東京有頂好暖的, 點知比媽媽拿去加拿大, 竟然無拎回來, 仲要搵時間去買過, 另外都要買比oscar~~~~ 幾時先買齊

為呢次旅行而專登買既就係咁上下, 仲諗緊有無野未買, 至於行李, 又係大工程, 我己經整左個行李清單, 勁多野要拎......不過, 好彩日本都有大商場, 就算有野真係唔記得拎, 都可以去買