Jasper & Jayden 的閱讀樂

《 小一派位的迷思 》

雖然 jasper 未有咁快要報小一

不過都要開始留意下

以前對派小學無乜感覺

我的小學， 是在家附近

可以行過去

媽媽揀呢間

因為2個原因

近，評風不錯


個時對名校的追求無咁熱烈

好少人會專登山長水遠出去讀書

現在時代唔同

幼稚園都要誇區

何況是小學

我唔知十幾廿年前係點樣報小學

反正我就覺得好奇怪

好似第一階段

我以前以為所謂交表去小學

是小學揀學生

原來唔係架喎

純粹計分

而所謂的計分

和小朋友的能力又一點關係都無

例如適齡有10分（定5分？）

咁你報得小學

自然是適齡

除了大陸落香港以外

有那個不是5歲報，6歲讀？人人都有的這幾分

其實無乜用

第一個仔女有5分

如果有哥哥姐姐讀緊，有10分

如果哥哥姐姐爸爸媽媽讀過，有5分

爸爸媽媽係呢間學校工作，有10分

爸爸媽媽係校董，有5分

（爸爸媽媽係學校工作， 可以照顧下，有分都好正常

若非大富大貴，點會係校董？

而校董又不在校

其實有乜關係）

最高， 好似可以有30分

好像還有一些條件

記唔到咁多

如果有哥哥姐姐讀緊

可以話入硬

所以第一個讀邊間

都好緊要架

可以帶埋細路妹入喎

不過問題來了

講左咁多條件

其實同能力無關

即如果哥哥讀緊

細路連26個字母都記唔住？

無問題

一樣可以入到名校

而爸爸讀過

又比無人無物既易入

所以

名校既生既仔女

入名校易好多

跟住細路妹又入到

一條龍

但若非如此

即使你個仔叻

都唔到你中

係咪好奇怪？？


係揀學生呢方面

學校原來無乜話事

政府按分數

比乜人你就收乜

到最後得好少位留返比人叩門

幾十個，又或者幾百個中唔到六合彩的家長就要去叩門

而係呢個時候

小朋友的能力才有發揮作用

因為到呢個時候

先會有面試

係咪太古怪？？

究竟外國的小學是如何揀學生？？