Day 17 Baby－Jasper & Jayden 的閱讀樂

食無定時

聽說小BB 的生理時鐘好準
每隔4小時肚仔餓就會喊, 要食東西
唔知點解小BOO 好似完全無呢樣野
有時隔個幾鐘就餓, 有時隔4-5個鐘先餓

本來, 你未喊, 我先餵你都無問題
但, 佢唔餓, 又唔肯食
入到口都流出來
真係無佢咁好氣
唯有等佢自己餓到喊先比佢食
咁佢又食得好地地, 又快快手食..... 頭個一半
呢隻衰豬仔, 平日食奶食得慢
仲要最鐘意食到一半唔肯食
一係扮訓覺, 係扮喎, 唔係真係訓喎
合上眼, 放軟手腳, 口微微張開, 即使奶奶入到口都係流出來
至於點解係扮呢, 因為支奶一拎開, 佢又會張開眼望下
古古惑惑
有時仲會笑笑口, 好似知道自己奸計得逞咁添

都第17日大了, d 皮仲未甩晒
仲係一隻甩皮豬仔