Jasper & Jayden 的閱讀樂

3月31日

昨天醫生巡房時, 有問過醫生幾時可以出院
小boo 於29日下午出世
而正常來講, 小b 要住48小時才可以出院
本來呢一日既下午可以出院
但小boo 既食野情況很不理想
埋身餵左好多次都唔掂
姑娘們都無辦法
睇下我放棄先, 定小b 放棄先-,-
放棄, 即係唔可以埋身餵
但, 至少佢肯食
堅持埋身餵
以佢食2啖就訓
實在無乜信心佢會食得飽

雖然話出世頭幾日可以唔駛食
仲有儲備
但點知佢之後乖唔乖
都係試下泵出來比佢睇下有無進展
而同時遲一日出院
等佢食野ok 先出院
感覺放心d

姑娘話以小b 既情況, 見一見兒科醫生好d
實在好擔心呢

大約11點見醫生
小b 既情況還可
用奶樽雖然食得較慢
但至少肯食, 肯吞
咁即係身体無問題

不過都約左下午見職業治療師跟進一下
 
p.s. 醫院既服務真係唔錯, 人又好, 又細心~~

下午大約4點? 餵奶既時間見治療師
睇過小boo 既情況
飲奶成日食唔到
原來因為佢未識得控制好自己既肌肉
尤其係條舌頭仔, 成日頂向上
所以d 奶吞唔到
治療師叫我餵佢時要望下佢條舌頭仔係咪向下
舌頭仔先向下先食到
哦~~~ 明晒, 但要實行, 實在好有難度
佢又唔識聽
點先控制到佢舌頭仔向下呢???
靠彩數??? 引佢開口, 一望到舌頭仔向下, 立即把奶咀塞入去

知道了餵佢既方法
雖然係麻煩d
至少食到呀~~
咁樣明天先可以出到院
不然, 回到家唔肯食點算
餓死小boo 了咩


第3日的小boo
額頭仔比佢d 指甲刮到
一條痕呀



最愛訓覺
人地來探你
你就訓足全程




睇下個咀仔




訓緊覺都打呵欠


訓訓下喊到拆天
原來要換片片