Jasper & Jayden 的閱讀樂

今天晩上
去尖沙咀飲~~~

結婚唔夠一個月就收到炸彈
剛剛破財還未復元就比人炸

表弟係帝國中心擺酒,
場地都幾靚喎
尤其個西式佈置
不過中式就普通左少少
算啦, 始終係西式吸引d 既

7點多去到
剛好撞正新娘子換衫~~ oh~
表弟換好先, 竟然係紅紅金金的中式結婚服
真係估佢唔到

原來係敬茶時間
因為新娘子係台灣人
只有少部份親戚專登由台灣飛來
故晚上敬茶都係我表弟的親戚
唔算花好多時間
亦係呢個時間和一對新人影下相

不久, 一對新人又換衫了
換了婚紗, 預備march in 了

march in 前先睇片
成長片段, 大大話話睇過唔少
不過大部份都係差唔多
因為表弟做電影的
片段都是做電影的朋友幫手
所以呢, 成套戲咁呀
我諗有over 10min??
加插左勁多周星酏既片段
超級搞笑呀
如果要搵人搞, 真係唔知要幾錢

唯一可惜係, march in 後不久, 新娘子又換衫啦
搞到完全無機會影佢著婚紗的相添
到食翅後, 就係敬酒時間
然後, 自然又係睇片時間
又係十分精彩既片, 加插左好多電影片段
but, why???? 竟然無男家片段既
一接完新娘就去左伊甸園
咁寄怪

p.s. 我覺得伊甸園好奇怪的
戴左戒子先讀誓詞的

因為片段又是有點長
睇完片
還有新郎和兄弟們的跳舞表演, 好搞笑呀
不過睇完都差唔多食完了
雖然佢地搞結婚比較趕
但都搞得有聲有色呀
尤其2段片好精彩呀
好想重溫添呀