Jasper & Jayden 的閱讀樂

在奇妙絪典影勁多相, 多到似影多一套婚紗相之後
我地就出發去酒樓啦

去到酒樓, 補補妝, 休息一下, 就落樓下掉花球啦



最後, 係無內人願接既情況下, 係我個妹接左既
希望佢同kenny 真係快d 結婚吧!!!!

之後, 當然又回到酒樓啦
先換第一套晚裝, 酒紅色的,
因為係星期五, 好多人仲未放工
呢個時候, 就係狂影相既時間啦
單獨照, 和oscar 的, 和兄弟姐妹的....



8點左右, 人客差不多齊
又係時候換返套靚靚婚紗啦
勁長拖尾加勁長頭紗
原來無兄弟姐妹有影....
唉, 只好等攝影師的啦

小插曲
話說, 我件婚紗的拖尾是勁長的, 頭紗又超重
所以我行每一步都細細的, 又慢
結果呢
成長片段播一次我都未行完
之後, 仲有人問我係咪因為有左...
嘩嘩嘩
有左, 就唔會著到呢D 咁貼身既裙啦

跟住, 又埋位食下野....其實只係一碗翅...
然後又換另一套湖水綠的晚裝敬酒
好忙呀
敬完酒, 反正都唔餓, 唔食啦, 繼續勁勁勁影相
又同兄弟姐妹影下, 又同朋友, 同事, 親戚影
好彩都有影多D 相, 唔係只得攝影師....



10點幾, 又要換最後一套送客衫啦
呢日真係好鬼忙
但...咁多兄弟姐妹既相機竟然無呢條裙
好彩有舊同學有影相咋...
唔係又有排等啦

呢條淺金色既裙我好鐘意架



11點半, 我換返便服, CALL 了JENNY 來收裙
跟住OSCAR 找酒樓的尾數, 攝影師的尾數
還有化妝師的

跟住各兄弟姐妹又幫手執野
清場

真係多謝晒咁多位
令我地既婚禮咁順利
而我又咁輕鬆~~~