Jasper & Jayden 的閱讀樂

上星期五去朗豪坊睇 游龍戲鳳
係好難得oscar 話想去睇港產片
cast 不錯, 愛情片又好睇
如果係笑片, oscar 實唔睇

本來約埋妹妹 & kenny, 飛都買埋
點知無啦啦佢又話要睇一睇樓, 跟住confirm 埋, 睇唔到
真可惜啦!!!

講返套戲
成套戲有3條線
開頭既編排係好好的
不過呢, 個結局就做得嘛嘛地, 而且節奏明顯十分快
無乜細節, 枝節

劉德華個段
典型的有錢仔愛上窮家女
不過出奇地
唔係劉德華身邊的人反對
而是舒淇自己接受唔到
不過, 2個人相差太遠, 相處時是一定會有點問題吧
開頭佢地由結識, 到拍拖都處理得不錯
不過, 由開始求婚開始
節奏勁快...感覺, 似睇緊快鏡
而結局...嘛嘛地
睇完, 唔知點解舒淇突然又接受返劉華囉
而且, 上那個緣份的電視節目, 好似好夾硬咁
我無法想像一間咁大既集團
個老細會上d 咁既節目

而何韻詩呢段
我諗係估唔到何韻詩做得咁好
好放, 好精彩,
而張涵予.... 睇呢套戲之前, 我完全唔識呢個人
不過佢做呢個有點呆的老實人就十分貼切
現實生活中
何韻詩的jo 和 張涵予的林九呢段, 應是比劉華的更相差得遠
由生活的地方, 到背景, 學歷, 工作, 全部相差更大
但出奇地
講佢地既相識又唔會令人覺得好奇怪
林九的細心, 令jo 愛上不奇怪
比劉華的更精彩
可能有錢仔愛上窮家女的情節比較多吧

最後一段
男人愛上有孩子的女人
呢段比較簡單
所以結局比較合情合理
但
若減了呢段, 而加d 戲份係另外2段就更加好啦