Jasper & Jayden 的閱讀樂

準備左好多個月, 今日終於出發了

因為昨晚執行李執到3點, 今日真係勁眼訓~~~~ 起身時都唔覺, 上到機真係好眼訓

講返今日既行程, 6點9起身, 本來諗住7點半出門口,
點知搞搞下都成7點9先出到!!

好彩出門不久就有的士, 搭去青衣城機鐵站, 跟住搭機場快線
機場快線真係唔錯的, 雖然貴少少, 90蚊2個人, 但AROUND 20MIN 就到機場

因為一早己網上CHECKIN 左, 所以可以排ONLINE CHECKIN 條隊, 點知條人龍都幾長....可能今日都算多人掛

己online check in, 都要排長龍...

我地就是要寄這2件行李啦

把行李寄出倉, 就過關, 然後食早餐, 選了最保守的大家樂~~~

食完, 都差不多時間要上機, 都無時間行下DUTY FREE SHOP

就係搭呢架啦....

可以登機了

今天香港都在下雨, 起飛時的景色都麻麻地, 但好彩上到高空就看到雲層好靚

因為真係好眼訓, 影了幾張高空雲層相就訓下先, 到食飛機餐, 說實在, 真係麻麻地, 個飽又凍, D 飯又太軟.....唉...算了, 我對飛機餐都無好大期望

不好味的飛機餐......

下午2點多就落機, 今日過關時間都算快, 雖然又要影相又要打指模, 不過比上次去東京快得多

取行李後便去找鐵路站, 未出機場前, 真係好熱, 根本不用著褸, 但一出機場, 真係好凍呀, 立即要著返件羽絨, 頸巾都不能少
上到南海難波線, 幸好沒什麼人, 不然, 行李箱都不知放在那....

到達難波站要轉地下鐵去梅田站, 因為沒有自動電梯, 要把行李搬上搬落真辛苦....

出了梅田站, 因為梅田是大站, 又有JR 又有地下鐵, 車站十分大, 又多出口, 跟迷宮差不多
又睇地圖, 又問人, 終於找到酒店, 因為這間酒店比較平, 裝修真係好平實.....不過, AROUND 500蚊一晚, 又OK 近地鐵(就係新阪急附近, 由地鐵3-6出口, 過完馬路轉左行1個街口就到), 都算係咁, 地下仲有便利店添

放下行李, 休息一會, 又再出動
今日先係梅田逛下, 認下路, 梅田真係好似迷宮, 尤其當你在地庫的時候, 四通八達之餘, 行行下都唔知轉到邊

先去商場地庫的超巿買生果, shopping mall 的地庫真係正, 有好多熟食, 好似炸串物, 泡菜, 漬物, 明太子等等, 最令人難忘係冷喬麥面, 綠色的, 可能是有綠茶吧, 好好味, 食完還有碗暖湯, 真係一試難忘, 可惜行程還有十多天, 不可能買回香港....

行到生果部, 這間不算有太多生果, 我們先買大大粒士多喃梨, 還有奶油, 哈蜜瓜, 不過店員說哈蜜瓜還未熟的, 要等幾天才可以試

買完生果, 係時候要諗下今晚既晚餐,
係地下街, 有條食街, 好多食店, 種類包羅萬有, 最後今晚既晚餐係天婦羅蝦喬麥面, OK 好味, 不過都不及超巿的喬麥面正~~~可能因為d 天婦羅浸完湯, 不夠脆, 而且喬麥面都係冷食會比較正

食飽飽, 再搵下有咩地方行下

係酒店附近有間yoshihama 電器城, 基本上乜電器都有, 我地既重點就係玩具部, 有齊模型, 電玩等等, 仲有得試玩最新的wii 大亂打鬥添

好大隻瑪莉奧.....

行到9點左右, 其實一層都未行完架, 不過, 人地要關門了, 只好搵日再行過啦

回到酒店, 當然要試下d士多啤梨啦, 真係好甜, 好好味...明天都要再買過