Jasper & Jayden 的閱讀樂

之前睇open rice 又好, 人地既blog 又好
都推介過呢間日式燒肉
一直好想試架
不過oscar 對此興致不大
唯有搵其他人陪我食呀

咁0岩
william 話買左條鍊送比我做結婚禮物,
一於去試下

2個人, 點了

上牛里脊肉
黑豬豬排肉
香蔥鹽牛舌
秘製壺汁牛里脊

4樣都好好味

最先上的是上牛里脊肉,
一眼望落去, 雪花好多呀, 正, 最0岩我
入口十分軟滑
呢個只係4個牛里肉既普通價錢, 佢份特選, 嚴選, 上, 和普通,
我地揀上都好好味, 唔知再勁d個2隻係咪仲正呢

跟住上牛舌,
其實不是太好牛舌, 不過都幾好味
好彩佢唔算太厚, 所以都食左幾片

再上豬排肉
都幾肥, 一間間肥膏, 但燒完好香口
邊位有點脆脆的

最後的秘製壺汁牛里脊,
因為d 牛肉係浸係d 汁入面,
好入味
長長一條牛肉, 自己剪開一粒粒來燒
因為比較厚, 煎耐少少, 外表有點脆脆的
真係好味
仲要好似剪極都未完咁
感覺抵d, 哈哈

2個人食, 埋單520
都唔算係十分貴, 可能唔係叫左太多野啦
食完先8點幾咋,
仲行左去食甜品
我好想食豆腐花
但搵來搵去都唔知邊到有
最後都係行左去義順食咋...