Jasper & Jayden 的閱讀樂

6月6日上午, 6點多起身, 天有點點陰

起身後, 洗面換好衫後, 再檢查一下行李便出門口

落到樓, 有少少雨, 但因只要過一條馬路, 雖然有拿傘子, 但都唔有用

先乘機場巴士去機場, 原以為搬到粉嶺去機場要好耐, 但原來搭巴士都係1小時左右 (7點9上車, 未夠9點到機場)

一上巴士就開始落大雨, 好彩早一點上車.....

因之前一晚己online checkine 了, 並己選了位, 故很快便完成手續

因沒諗住買什麼東西, 故好快過了關, 跟住食早餐, 選了burger king, 不過呢, 我覺得都係mos burger 好味d

食飽飽, 四維行下, 行去迪士尼shop, 無左以前見到的豆豆winnie the pooh, 好可惜呀~~

等待上機上, 外邊仍下著雨, 幸好沒有影響飛機升降

10多上機, 11點起飛, 起飛不久便派飛機餐, 凍冰冰的豬排包, 都唔好食既, 食左幾啖就無食

食完, 訓一陣都落機了

因為身上一點台幣都無, 落機後先換台幣, 3.756, 現在台幣貴左好多~~~~

跟住要搞入台落地簽證, 200蚊台幣

過關都幾快, 跟住就去搭機場巴士, 有4間巴士公司, 不過呢, 係大有巴士最新酒店, 90蚊台幣

未落車, 遠遠己見到非常台北, 跟住就見到友春大飯店, 果然好近呀~~~

(P.S. 酒店是非常台北的nicole 幫我們訂的, 故有優惠價2030一晚, 3晚一共是6090, check in 時要先付錢的, 而且包早餐, 仲可以免費食下午茶, 雖然食物比較普通, 但免費的都算係咁)

酒店房都頗大, 可能住慣日本個種放完行李無位行既房, 見咁大好驚訝

洗手間都好大間

仲有浴缸 和 按摩花灑, 但按摩花灑的水壓比較弱

因為約左非常台北的NICOLE 6點揀衫, 見仲有D 時間, 睇旅遊書, 最近的便是點水樓, 出名的便是小籠飽 (當然無鼎泰豐出名啦)

見地圖近近地, 酒店是民權西路, 而點水樓在民權東路二段, 諗住應該好近, 點知差不多行了半小時, 鬼咁遠, 去到, 仲要無開-,-  (下午沒有開的, 要到5點半先再開, 但太遲了)

呢間就係點水樓, 關門中~~~~

無得食, 諗住回酒店附近食點東西便算, 一離開點水樓, 有隻小狗在我身邊, 我先影一下點水樓的外邊, 點知隻小狗狗不停圍在我身邊, 一直跟住我, 直至我過了2條馬路, 才離開 (其實我有點擔心小狗狗不知會不會跟著我回酒店.....)

吃不到點水樓, 搵間CAFE 坐下, 就係酒店和非常台北之間, 叫101 CAFE, 我叫了個肉醬意粉, 跟香港的完全不同, 好多配料, 像青瓜, 菇等等, 而且汁很水的, 感覺像羅宋湯呢

食完後, 己5點多, 先回酒店換衫,跟住便去非常台北總店, 入到去, 才知NICOLE 在世紀婚禮分店, 就在總店的斜對面

入到去, NICOLE 先講解一下第二天的流程, 跟住便到2樓揀衫

下回待續..... 揀衫了, 下回還有各款婚紗, 晚裝既相 (試衫時可以比你影相的, 而且仲好好人添)