Jasper & Jayden 的閱讀樂

昨晚約了cara在沙田食飯, 順便交換禮物, 哈
本來oscar 話去食泰國菜
但, 一來我又唔好泰國菜, 二來, 我地2個都唔知希爾敦中心在那, 而oscar 又未到
係四周行下的時候, 諗諗下不如係新城巿廣場搵下有乜好食
先睇到一間意大利餐廳, 但好似無乜小食, 3個人又唔到好多野, 就無揀到
跟住行入d, 見到另一間意大利餐廳 tutto, 見都幾多款, 又唔駛等位, 就入去試下

呢間餐廳的裝修都幾靚,
頗多卡位, 坐得幾舒服, 空間比較大, 故唔駛點等位

睇餐牌, 好意式風味喎
因為oscar 仲未到, 諗住等埋佢先叫野食
跟住有個經理的人走埋黎問我地駛唔駛叫飲品先
我地話可唔可以比杯水,
跟住問我地要有氣定無氣..... -,-
我地只想要飲杯普通既水, 仲以為呢間跟足歐洲的餐廳唔比水添
轉個頭見到有待應比幾杯水後面張枱
於是即刻問呢個待應拎水飲下
(我覺得呢經理既做法都幾差, 我地問要水, 好明顯係最普通個d, 而唔係礦泉水啦, 就算想我地叫野飲, 都唔係咁下嘛)

待oscar 到, 考慮了一會, 便決定了點:
白酒煮青口
脆炸芝士球
傳統意式芝士煙肉意粉
辣肉腸芝士pizza

食完以上的好似唔多夠, 又點多樣白汁雞肉雜菌長通粉

我覺得最好味的就是個芝士煙肉意粉, 個汁好香好濃, 好好味
其次係個脆炸芝士球, d 芝士半溶的, 還有個汁像是士多啤梨味, 好夾呢, 又無咁"流"
pizza 其實都好味的, 係傳統意式薄脆的pizza 底, 故無pizza hut 咁飽, 另外, 亦唔會好似pizza hut 的pizza 咁, 配料大堆頭, 可以食下d 小食, 不然食2件厚批都飽晒, 而且鐘意d芝士味好香, 唯一我唔鐘意的是頗辣, 仲以為好似pizza hut 的其實無辣既感覺添
至於白汁雞肉雜菌長通粉, 可能有個意粉比較, 覺得無意粉咁好食, d 汁無咁香, 無咁芝士味
最後的青口, 因我唔食的, 沒有食評

總的來說, 呢間意大利餐廳的環境, 食物都是中上之選, 而價錢都頗ok (埋單298), 值得再去食