Jasper & Jayden 的閱讀樂

昨晚放工後, 先出旺角買點東西去台灣用, join 埋oscar 後係g2000再揀左2件恤衫, 見到d tie 都幾靚, 但一年都著唔到一次, 買平平地就算了, 跟住走去女人街買2條tie 95蚊, 好多間價錢和款都差不多

買好晒d 野之後, sam call oscar 話出尖咀食晚餐....當時己是9點啦 -.- 其實我比較想近近地食完回家早d 訓, 不過oscar 想去食, 無計
出到尖沙咀, join 埋sam 佢地後街去新記食芝士撈公仔麵

呢間新記位於香檳中心, 未夠10點成個死城咁....乜都關晒, 就係得返呢間餐廳
未入到去, 己見到門口貼著好多明星相, 入到去, 一邊坐滿了人, 我地坐另一邊, 可能無人既關係, 好似無開冷氣, 頗熱, 好彩立即開返比我地, 但差不多食完時冷氣滴水-,-

既然呢到既豬頸肉芝士撈公仔麵咁出名, 當然要試下, 全間餐廳d 芝士撈麵都無set 的 (只有lunch 和宵夜有) 但都成35蚊, 仲要唔係出前一丁, 要改加4蚊, 都幾貴, 野食幾快到, 不過呢, 其實賣相麻麻地, 之不過是公仔麵上有d 豬頸肉, 再加d 芝士汁, d 芝士汁好香濃, 似龍蝦伊麵個種芝士汁, 但又唔會太"流", 都幾好味, 不過個豬頸肉就唔夠"淋", 同埋有一點辣, 至於d麵, 不過不失, 但好似好少咁, 我食完都唔係太飽, 不過都成10點幾, 就無再加野食, 但oscar 完全唔夠 (佢叫公司撈麵, 餸就多, 麵又係比較少的), 我懷疑一碗麵係唔夠一個麵的....... 要同sam share 多一碟新記炒飯先夠飽, 10點幾仲食咁多野, 肥死佢

差不多食完的時候, 有另一枱人入來食, 竟然食煙, 太討厭了~~~~~

總括來講, 行開去食都唔錯既, 但專登去就有點無謂