今天是最後一天了, 因今日完全沒有行程的, 8點半起身, 最後收執好東西, final check 了幾次, 食左個杯麵做早餐 (早幾日係溫泉酒店附近買的....拖了幾天, 實在不想拿回香港, 只好在最後一天食掉....)
handcarry 的行李
一大堆行李..... 2個行李箱, 3個handcarry 袋, anges b 後面還有一個的, 只睇到少少...., 再加上一個anges b 紙袋.... 勁呀
10點多, 先在酒店check out, 然後便去jr 站
因昨天一早己訂了今日天的車票, 11:10 的快速列車往機場 (book 了指定席, 只係加300yen, 坐得舒服之餘, 列車內還有行李架放行李, 唔錯, 值得推介)
車站便當呀, 結果, 我地都試過真正的火車便當添
就係搭呢架啦.... rapid airport 110 號
指定席....
車箱內有位置放行李架....
未夠12點就到機場, 因我地要先飛成田再轉機, 而2程是不同航空公司的 (jal 先由札幌飛成田, 再乘國泰由成田飛香港), 故本來我地以為我地應去國內線的, 但原來即使先乘國內線, 但即日會轉機也應去國際線的.... check in, 把行李寄倉, 不得了, 4件寄倉行李竟然有56kg..... (正常2個人只有40kg), 空姐好好人地只叫我們拿起4kg 的handcarry, 其餘都可以寄晒倉, 也不用付錢, 真好
即使寄了3大件行李, 我們還有handcarry袋2個, 手挽袋1個, 背包一個, 斜肩袋一個....實在好鬼重, 重到連手信都唔想睇-,-
最後買了幾個貓頭鷹電話繩, 一些野食, 一個公仔便算了 (新千歲機場的shop 十分多, 十分大, 幾乎所有手信都可以在這裡找到, 由最大眾化的白之戀人, 六花亭, royel, 到各式精品, 公仔, 北海道限量版公仔, 小樽玻璃制品, 音樂盒, 各地道食品乜都有, 唔怕無野買, 最怕無手拎.....)
太多東西想買, 但無手拎....而且拎住咁多野....只想坐係到...唔想郁
1點多, 過完保安便等上機 (過完保安只有一間小小的shop, 若想買手信, 一定不能過保全住, 一定要先買齊野, 但當然要先拎broading pass 啦)
雖然我係坐jal, 不過唔係呢架.....
接近2點, 開始上機 (係候機室己見到好幾批香港人, 我還以為大部份己回香港添), 上到機, 休息一下, 3點多便到成田了
到了成田, 我們不用拿行李, 於是便先check in (因前日己上網check in, 揀好位, check in 十分快, 完全不用排隊), 然後便找東西食, 想起有排食唔到正正toro, 於是便食壽司, 但, 好失望呀, 連超巿水準都比不上, 最知去食炸豬扖好過啦~~~~~ 呢餐係日本最衰既一餐
本來想行一會的, 但, 東西不太吸引 (我覺得新千歲機場正d), 而且問過國泰地勤, 今日都頗多人, 故早一點過保安和海關, 呢個決定果然十分正確, 因為真係排好長人龍呢.... 過完保安, 還要過海關, 終於排晒隊, 搞好晒都5點半, 離登機時間只有幾個字, 於是便休息一下
上到機 (香港人佔了過半數, 還有個旅行團添...), 先播套魔法玩具屋 (香港唔覺有上畫, 但幾好睇的), 今晚的飛機餐頗日式, 包括有熱熱的包一個, 冷蕎麥麵, 和牛肉飯, 食完, 看一會書, 又睡了一會, 好快又到香港....
10點左右, 終於又回到香港了, 先取行李, 過關 (過香港關真係特別快的), 然後乘機場快線, 再轉的士回家
落的士, 太多野了, 打給媽媽出來接我們....她看到我們一大堆行李都嚇了一跳
沖完涼, 先拆些玻璃制品看看有沒有問題, 幸好, 全部沒有事, 把記念品堆在妹妹的床上影了張相, 多壯觀!!!
留言列表
旅遊日誌 (10)
