我在日本的第17天－Jasper & Jayden 的閱讀樂

今日己是在日本的最後一個full day, 今日無咩行程的, 主要係relex 一下, 行下街

早上去jr 站內的一間西式餐廳食早餐, d 奄列好味呀, 蛋不會太老, 加上厚多士和多牛油, 正!!!

我的是奄列加煙肉和厚多士, 好味道

oscar 呢個係厚多士夾炸蝦

食完早餐, 去大通公園附近animate 行下, 想搵下d 動漫精品, 可惜選擇不多, 結果都係空手而回 (相比起來, 東京的animate 就大得多了, 而且除了animate 外, 還有勁多shop 有動漫精品賣.....), 買唔到野, 行下丸井今井....呢個商場, 一個字, out, d 野太out 了, 完全唔0岩行, 行左個圈就走了

跟住行去tokyo hand, 呢間shop 正得多, 樓高7層, 地下有porter japan, 旅行用品, 鐘錶等等, 樓上是各種生活精品, 包括買了近3000日元的黑頭針 (貴呢, 好像是新出品, 要試下係咪咁正先, 仲有屋企內各種用得的東西都有, 我地竟然買了浴室排口用隔頭髮的網-,- ), 還買了2個poster, 包括天空之城和幽靈公司, 好靚的, 另外, 看到一個畫家叫渡邊宏, 我十分鐘意他的畫作, 而且又不貴, 可惜全是連畫框的, 買了也很難拿回香港....., 最利害是還有做銀器的裝備, 勁呀~~~

還有一個商場是令我十分驚喜的, 便是有大大個摩天輪的商場 (商場名要睇返旅行書), 整個商場十分新, 好多shop 仲未開, 本來見無乜shop, 諗住走的, 見到來到, 諗住打過轉, 點知見到間店勁多龍貓精品, 立即2眼放光, 哈哈, 好多product 係從來未見過的, 包括有一套18隻龍貓, 每隻動作有少少出入, 排在一起時好像會動的一樣, 還有各種花盆, 勁得意, 仲有好多好多精品..... 結果買了天空之城大頭兵花盆, 貓巴士花盆, 還有幾支小龍貓和貓巴士, 呵呵, 又大豐收了

就係呢間, 勁多龍貓野

睇下, 成間shop 都係架....

跟住行的幾個商場都無乜野睇, 有間係praco 隔離的shop, 有4層樓高, 地下是文具部, 頗多精品, 樓上有畫畫用品等等

行到有點累, 去狸小路入面有間好出名的著仔店, 食了set lunch 加芝士焗著, 不錯的

以下便是我食的意粉set, 好多芝士, 正, 另外, 右上角個凍湯都好好味架

呢個係oscar 食既咖哩set, d 咖哩好濃, 中間係咋豬加+著仔波, 都好好味架

呢個就係芝士焗著仔, 芝士味好濃, 我最鐘意

食完野, 又行下附近的商場, 到差不多大商場都行完便回札幌站, 先去loft 買個大大旅行袋 (沒法子, 昨晚執過下行李, 好明顯d 野放唔晒, 一定要買個旅行袋), 又買左個簡易衣服壓縮袋 (試過都ok 架, 尤其2條雪褲, 都抽走不少空氣, 減少空間)

買完, 回酒店休息下 (呢2日最得閒了, 有時間可以午睡) 7點左右, 去西武行下, 先係b1 買左個anges b 既袋, 上網睇是08新款來的, 退稅後16000 yen, 約千餘元, 都唔錯, oscar 見我2日買左2個袋, 又想買個袋, 唯有個個商場行下, 睇下有無靚既男裝斜肩袋, 最後係jr 站上的商場買左個日本牌子, 日本制的皮袋, 2萬幾yen 的, 但佢鐘意, 無所謂啦

買完袋, 去esta 樓上的pepper lunch 食, 佢有幾個set, 不同級數 / 份量的牛, 我點了一份1100yen 的, oscar 點了1460 yen 的, 鐵板上的牛肉上枱是全生的, 可以自由控制, 想熟d 就煎耐了, 不然就早d 拿起, 入口勁正, 比昨晚的牛角還要好味, 不用100蚊真係勁正, 若pepper lunch 係香港開店, 好多扖房立即要執

呢個係我食的, 1100yen 咋, 幾正