Jasper & Jayden 的閱讀樂

一早起身, 行去哨子館那邊, 先找找有什麼好食, 但大部份餐廳都未開, 有少部份魚生飯店開了, 但天寒地凍, 又唔想食凍冰冰的東西....結果去了北菓樓食泡芙, 都唔錯架, 仲買左盒妖精之森

呢個係menu, 留意右下角, 原來有set 的, 一個泡芙加一個甜品加一杯飲品500yen -,- 我地食食下先睇到

竟然有個火爐, 真係燒木頭架

食完, 店差不多都開了, 每間精品店都入內看看, 有些玻璃燈很靚, 但價錢都頗貴, 睇中了一盞over 5萬日元, 但, 拿回香港太煩了, 結果都無買到

係個係大正哨子外邊的孖雪人, 好可愛呢

被雪埋掉的車, 剛好睇到有人在剷雪, 先留意到架車咋

呢間係旅遊書介的好味芝士蛋糕店, 一定要試下

係整音樂盒的本館旁, 有間shop 內有好多龍貓product 的, 結果就大出血了~~~ 到佢包裝時, 才發覺包裝盒十分大..... oh~ 還要想想如何pack行李.....

間小店內, 有大大隻龍貓, 先影張相...

牆上仲有隻.....

睇下, 幾多龍貓

因拿著2大袋東西, 唯有先回酒店放下, 然後又再出動 (我地既行程真係好忙...)

先去大正哨子那邊拿回昨天oscar 整的玻璃杯, 再行去間甜品屋食芝士蛋糕, 好味道呀, 可惜不能配chocolate, 只可以配coffee 或橙汁...

食完後, 再行行有咩精品可以裝飾下間新屋, 但好似再沒什麼特別, 而且, 己太多行李了

經過間整玻璃杯的, 心思思又想整下, 昨天見oscar 整得咁開心, 呢間同昨天的不同, 價錢平少少, 而且顏色多一點呢....還可以加上一個英文字母添, 付500 日元可以寄去札幌酒店, 不用明天再去取

戴好裝備, 先影張相

先把玻璃吹開...慢慢來.....

整緊個杯口....慢慢轉, 然後向上提起, 這樣杯口就會大dd 啦

整好啦, 呵呵, 好靚架, 底部有白色和粉紅色既花紋

整完玻璃, 都2點多, 去jr 站那邊找蕎麥麵店的老店, d 麵好彈牙, 炸蝦又好味, 正, 食完後, 還有熱湯沖入d 冷麵汁, 好好味

2個set 一樣的, 就只影一個啦, 炸蝦天婦羅蕎麥冷麵, 我鐘意食冷麵多d, D 麵好彈牙, 炸蝦無個日係旭川咁正, 但都好味,

睇下圖, 本來下方第二個小杯是只有蔥的, 先把圖中下方第二個小杯的汁倒入第一和第二個杯到, 第一個加上羅白便用來點天婦羅, 第二個用來點冷麵

食完, 仲有d 熱湯比你沖入d 冷麵汁到飲添, 好味呀

食飽飽, 回酒店取行李, 再行去jr 站, 乘jr 回札幌

老實說, 可能由昨天到今天都十分大雪, 感覺不到有什麼浪漫感覺, 反而雪太大, 唔想再落雪, 停了雪便十分開心呢, 整條運河區都是賣玻璃制品, 有時間, 建議先每間店看一看有什麼吸引才買, 因好多間都有差不多的product, 另外, 有些是made in china, 有些是made in japan, 若是買貴價的東西, 最好先問一下...

回到札幌, 先到酒店check in, 放下大堆行李, 然後在房內休息一下....冒著大雪行路都十分累的...尤如行沙灘一樣

7點半, 去薄野附近食燒鰻魚老店, 好味道, 但唯一不好既地方係暖氣太熱了....

呢個係我個set, 1 又1/4 條鰻魚, 係用備長炭燒的, 但我覺得好似唔夠風味...

這是oscar 的1條半鰻魚, 仲有半條係底

食飽飽, 行去狸小路那邊, 可惜己9點多, 附了手信店外, 大部份都關了, 只是行了一會, 買了點手信及生果便回酒店