我在日本的第16天－Jasper & Jayden 的閱讀樂

這天因為不用執行李 (會在札幌連住3晚), 可以訓多一陣

出門口, 去札幌地鐵搭去宮之沢站

途中見到有d 車比雪埋了, 睇下, 外邊個架還好, 至少見到少少車身, 佢身邊個架....乜都睇唔到了

再行幾分鐘就到白之戀人工廠, 整個bulding 都幾童話式的

但其實可觀性不太大, 帶小朋友來的話可能會比較吸引, 大人來就比較悶了點, 參觀的主題除了的白之戀人制作過程外, 還有朱古力起源, 古時歐洲的餐具, 古時的朱古力包裝, 海報, 日本古時到近代的玩具, 反正給人的感覺是, 可以看的不夠多, 於是加多幾個主題令人感覺多d 野睇

4/f 是朱古力制作体驗, 有3個course 揀, 我地揀了最簡單的做朱古力曲奇, 果然是過份簡單, 只不過把預先己調教好的曲奇料整平再用3個不同公仔的金屬模cut 出來..... 故, 基本上只適合小朋友玩

基本上, 整平佢再壓模便ok~~~ 超級easy

做好朱古力, 我地便去1/f 食蛋糕飲品自助餐, 蛋糕約有10款, 還有各種飲品, 我一個人都食了4件不同款的蛋糕, 還有飲品和飽, 都ok 抵食的

食飽飽, 便離開了白之戀人, 出發去狸小路行下街

狸小路給人的感覺, 跟在大阪的心齋橋差不多, 都是賣比較平民化的東西, 而且價錢比較大眾化, 像是有7折化裝品, 雪靴, 衫, 耳罩, 襪, 食品, 生果, 各式北海道記念品, 彈珠機, 夾公仔機, 和各種食店, 整個狸小路其實只有幾條街, 由狸小路1丁開始, 若不是每日店細心行, 約2小時都行完 (若要細心買野, 可能行好耐)

行完狸小路, 乘地鐵回札幌站 (其實可以行的, 不過頗懶), 整個旅行要去要睇既都己完成, 接下來便是自由時間, 可以隨意行下街, 休息一下, 我地先行jr 站附近的商場, 像是 loft (我幾鐘意行loft, 1/f 有化裝品, porter japan, 旅行用品, 樓上有好多生活小品, 包括無印, 最0岩放在家中, 可惜, 不能買太多東西.....b2 還有些龍貓精品...又買個花盆) , 西武 (名牌集中地, 包括agens b, blue label 等等), esta (有動漫產品, 電玩, 電器, 100yen 店, 10/f 有拉麵共和國, 和好好味的pepper lunch)

行到5點幾, 回酒店休息一下, 7點左右, 又再出動, 在jr 站樓上試試牛角, 點解好多人, 約要等1hr, 唯有先行下街, 呢個位於jr 上的商場頗多東西睇, product 比較新款, 行到8點多, 回牛角, 等了一會便有位, 本想試下燒肉放題的, 點知原來今日係星期日, 沒有的, 早知明天才來, 沒辦法, 唯有散叫, 叫了幾款牛肉, 豬肉, 煙肉, 還有飯和飲品, 食飽飽, 才5千多日元, 計落原來和放題差不多 (可能我細食, 食得多的人才著數吧!!!)

呢碟係牛舌