Jasper & Jayden 的閱讀樂

今天己由關西飛到北海道了, 真係好凍....

一早起身, 執好d行李就check out, 然後行去jr 站

p.s. 我們在關西機場去酒店時, 是搭南海線的, 車站沒有自動電梯, 拎住2個大行李箱行真辛苦, 今次搭jr 關西空速, 雖然貴一點點, 但勝在有自動電梯, 唔駛拎到死死下, 價錢都係差around 300日元, 不過留意要預等車時間, 最好預個半鐘 (車程大約70分鐘)

國內線check in 好快的, 幾乎唔駛點check, 半小時內到check in 就ok

國內線的check in 比較簡單, 好多人直頭唔駛寄倉, 直接拿手提行李上機

我地就係坐呢架, 細細地, 2排各3個座位的

好靚既雲海, 忍不住要post 上來分享一下

坐個半鐘左右就到函館, 一出機場....好凍, 地面都結晒冰, 好滑的, 一定要小心行

係機場門口有巴士到函館車站, 20分鐘, 400日元, 途中會經過湯之川, 若住湯之川就早d 到

函館巴士總站離我們住的酒店極近, 對面便是函館朝巿, 明天一定要試下

有無留意全日都無講過食野....因為我地全日都無食野, 我只係飛機上食左包朱固力....

到酒店check in 後, 放下行李便出動, 先去車站買北海道5day pass, 再book 未來5日既車票, 然後係車站附近有間食魚生飯的試下, 880 日元有個豐富既海膽加三文魚子飯, 仲有烏東, 加100日元有溫泉蛋添, 好豐富呀~~~~ 又抵食喎

我地就係呢間食啦.....

簡簡單單的小店

豐富魚生飯, 仲有烏冬同半熟蛋添

oscar 的還有魷魚添

食飽飽, 搭函館巿電去十字站, 跟住行上半山的函館山覽車站, 留意冬天時, 路又斜, 仲佈滿雪及冰, 係好滑的, 最好有雪靴, 另外, 提提各位, 我住的酒店前2間shop 有專賣雪靴的, 才1980 日元一對, 好抵, 款式又ok, 但今日無買到, 明天一定要買~~~

講返上山, 因為又滑又斜, 路上有扶手, 記緊要扶住, 唔係好易跌....

對了, 冬天時, 日落是比較早的, 約5點便日落, 最好4點多便上到山, 這樣便可以先影日間, 日落, 還有最正既夜景添, 因為是夜景, 若不帶腳架, 很難影得靚, 我地今日帶了小型腳架, 可以架在望遠鏡上影, 都唔錯架~~~

開始坐覽車啦.... 一架都企好多人架

開始慢慢上山啦, 睇住d 屋開始細....

離山頂仲有一段距離

日本的地方比較多平地, 所以景色望落是一望無際的

接近山頂了, 開始見到整個函館巿

到啦....

剛上函館山時, 還看到夕限添....

有無發覺, 張張post card 既函館山都是差不多??

山頂有個牌比人影相的 (早一點上來是對的, 這個時間沒太多人, 可以慢慢影)

夕陽呀~~~~

山上十分大風, 又凍, 地上還有一點冰, 真係凍到入心.....

晚上的景要留返下一個post 了, 一個post 只有20張相真煩....