Jasper & Jayden 的閱讀樂

行完各種小店, 又係時候乘車去衹園, 不過, 無想像中咁正, 只不過是一條商業街, 有各種店舖, 但好多產品在清水寺己見過, 無興趣再買了, 經過一間喬麥面店好似好正, 就入去試下, 都唔錯, 但總是沒有第一天在阪急超巿試的咁好食 (都有可能因為當日太餓....但好想食返...)

炸蝦喬麥麵

食完, 又睇下衹園的小店, 跟住去試下間壹錢洋食店, 唔, 無想像咁正, 仲有點咸添

壹錢洋食店內

壹錢洋食店門外

壹錢洋食店的廚房.....

壹錢洋食店的唯一食品 .... (香港好難有食店只賣一種東西吧)

壹錢洋食店內, 好多假人

之後行去白川, 即以前技藝表演既地方, 街道好古老, 但沒什麼人, 可能因為不是假日吧

由白川行去一澤帆布, 老實說, 貴得來又唔算好特別, 行過睇過就算了

老實說, 京都好似唔係太多野睇咁, 清水寺正, 但衹園及白川就差dd, 只係好普通既街

這裡就是白川了.... 人影都沒有..... 可能我們不應該在星期二去吧

今年係手塚治虫80生日 !? 有好多新精品

可以刻名, 仲要係free 的 (昨天在姬路城都要30yen...)

行完手塚治虫, 乘jr 回大阪, 先去大丸買今晚既晚餐

今晚既晚餐超級勁豐富, 包括有2盒大toro, 3千多日元2盒, 抵食, 入口即溶, 再加2盒壽司, 4個人食都唔駛7000日元, 超級正呀, d 大toro, 入到口, d 油流入口內, 勁正, 不過都好"流"架.....

便利店買的湯....好味架, 才105yen...

粉紅色的大toro....正到不得了...... 香港, 幾片都要幾百蚊....呢到, 一盒先百餘元...

大toro 加上壽司, 美味無窮

明日預告: 明天便會飛去北海道, 先去函館, 唔記得明天間酒店有無得上網~~~~

若沒有, 我應該都會先打定, 待有得上網便upload上來