Jasper & Jayden 的閱讀樂

到達大阪己第三日了

一早起身, 係酒店附近睇下有咩好野食, 見到有間傳統日式餐廳, 試下先

呢間小餐廳叫芝田食堂, 真係幾古老下架

早餐就是一碟碟放係櫃內, 要邊樣就取出來, 可以幫你整返熱

睇碟分價錢..... 咁似食壽司既

睇下廚師伯伯...幾老.....

食完便出發去環球影城，好凍呀，又大風，間中還有雨添

昨天也有雨, 還有少許雪添, 不到未到地下己變成小雨點

先去梅田站乘地鐵去西九条站, 轉車後搭一兩個站就到環球影城站, 一出就係架啦, 絕對唔怕搵唔到

地鐵一出, 就己經見到好童畫式既建築物

到啦~~~~ 由呢到至賣飛處有好多小賣店和餐廳

由呢到入, 就係去買飛啦, 記得print 9折卷呀.... 另外, 若唔想排咁耐隊, 買飛時可買fast pass express, 雖然要錢, 但真係快好多

好大個地球...會轉的

其實呢隻係乜我都唔係咁清楚, 不過, 都要影返張相

一入場, 就係呢條商店街, 不過, 賣既東西不算多, 呢方面, 迪士尼就做得比較好....

還有史迪加

一入場, 見到有史迪加3d 電影, 好像是11點開始, 見還有時間, 先去睇未來戰士, 幾好睇架, 真人加3d 立体, 又生動又搞鬼

睇完未來戰士後, 來到未來戰士精品店, 不過呢, 十分吸引既精品就無乜啦

所有建築物都係美國舊建築, 呢張相影出來, 都比較假....

跟住, 就去睇蜘蛛俠, 呢個係成個環球影城最好玩, 最好睇的, 本來想玩多次的, 可惜, 關門了.... (蜘蛛俠是坐在車上, 然後一路行, 有3d, 有動畫, 好立体, 好好玩)

之後, 去玩jurassic park, 入場後, 要先買雨衣, 因為, 真係會濕身架....

呢頂帽幾得意....

唯一見到的小食亭 (其他都賣爆谷.....) 有點像雞腿, 但應該無咁大隻...是火雞嗎