Jasper & Jayden 的閱讀樂

行到有點累, 去旅遊書介紹的河豚試下, 坐下不久, 就發覺勁多香港人囉, 可能因為有書介紹吧, 最少有5?香港人, 幾誇張

河豚沒有想像中好味, 我都係鐘意食toro 多d, 我諗我都唔會再食, 試過了就算

河豚專門店, 全店有不同種類既食法, 但, 只有河豚.... (都有壽司既, 但, 無理由係到食去壽司吧, 又不是平....)

連杯都係河豚....

佢分好多個set, 每個set 包既野, 價錢都唔同, 一個set 是1個人份量, 價錢由2千幾yen 至5千幾yen 都有, 全部有圖睇. 睇到包d 乜, 唔怕叫錯 (雖然, 睇圖都未必知係乜....)

呢個係前菜, 右邊像果凍.... 大概是吧魚做成果凍吧... 左邊....菜加不知什麼東東....

刺身, 算係最好味架啦.....

小火鍋..... 熟左既河豚, 頗硬..... 不好味....

白飯加肉鬆 ????

炸魚..... 炸既都ok

大火鍋, 都頗多料, 最後會用來整粥 (當成鍋野食晒後, 侍應會拿米, 蛋, 昆布過來整粥的), 最搞笑, 我地對面張枱都係香港人, 食完呢個鍋後, 連d 湯都飲埋....搞到人地整唔到粥, 要另外再加湯比佢, 但, 這樣的湯是沒有了河豚精華的, 故, 千萬不要飲晒d 湯 (少少都唔怕既.... 另外, 食蟹都係架, 留意一下)

食完河豚, 大部份shop 都關了, 只可以行下未關的遊戲機店, 最後便回酒店了