Jasper & Jayden 的閱讀樂

恭喜

見到小歌留言, book 左札幌3晚, 小樽2晚, 函館一晚, 等我幫你睇下行程先

唔知你所book 既酒店係咪頭3晚札幌, 跟住2晚小樽, 最後函館呢, 暫時當係排左先啦, 唔係記得話我知

第一晚, 唔知你係咪直航

第二天, 以參觀為主, 可以行下北海道舊本廳舍, 白之戀人工場, 時計台等

第三天, 可以去啤酒園, 電視塔, 及jr 站附近的商場 (唔知你地鐘意行街多定遊覽多, 若想睇多d 景點, 請參考 札幌旅遊景點 , 而商場, 係jr 站附近就有地下街, 狸小路, 大丸, 三越, parco, esta 等等)

第四~五天, 因你會留2日, 時間充足d, 可以慢慢行下小樽運河個一條大路, 包括有小樽博物館, 運河廣場, 浪漫館, 大正硝子館, 北一硝子館, 自然工房, 音樂盒堂本館等, 若你每間都睇下, 又整下音樂盒咁, 2日都未入夠玩架, 小樽既壽司通屋好出名, 可以去政壽司食下, 我記得你住宏樂園, 咁你早晚餐都唔駛諗添

若你是由小樽去函館的話, 點都係要經過札幌的, 你排酒店時有沒有留意一下呢

第六天, 若你由小樽出發, 早上去, 到函館都中午了, 可以行下正教會堂, 聖約翰教堂等等, 3點左右開始上函館山, 日落後才食晚飯

第七天, 若你由函館出發, 要去新千歲機場~~~~~那請你先check 一下時間, 不要過時呀! 函館去札幌要3個多小時架, 若早上有時間, 記得去函館朝巿食早餐

個人覺得, 你的酒店, 最好是如下安排~~~

第1晚 札幌

第2晚函館

第3,4晚 小樽

第5~6晚札幌

為什麼呢?? 一來若你早上由函館走, 要機場比較趕, 若在札幌去機場較方便, 當然, 若你在函館機場回程就最好添

另外, 札幌比較多shopping mall, 最尾2日買野, 不用搬幾日嘛