Jasper & Jayden 的閱讀樂

因為小歌想知北海道有咩地方好去

就寫返編推介行程吧

先寫一個7天北海道行程 (以下行程以回程都在札幌來寫, 若不是直航, 可以選擇在函館/ 網走等機場離開, 省時間, 車錢架)

第一天: 不論直航還是轉機, 第一天可以去既地方唔多, 見意去酒店checkin 後, 先去jr 站附近行下, 行到8點左右才去食晚飯 (餐廳比店舖夜收工, 若你食完先行, 可能無野行到了), 食飯後, 可以去狸小路, 有d 收好好夜既店, 北海道點都無東京或大阪咁多夜收既shop架

第二天: 一早出發出小樽, 札幌去小樽不用一小時車, 可以買小樽welcome pass, 行下北一哨子館, 音樂盒本館等等整音樂盒, 買玻璃精品等等, 午餐可以去壽司通屋食個豐富lunch, 下午行下小樽運河, 及附近的店, 晚上再去小樽運河影下相, 若是2月, 可能會撞0岩雪燈之路, 食完晚飯回札幌

第三天: 一早乘jr 至旭川, 約1小時車程, 之前可以check 下有無機會搭到旭川動物園號, 上午去旭川動物園, 中午試下好出名既梅光軒, 下午係旭川附近行下, 跟住回札幌 (若你對動物無興趣, 請取消旭川行程吧)

第四天: 一早乘車去登別, 去熊牧場, 中午可以去溫泉行食野, 行下, 下午去地獄谷, 晚上住登別, 享受一下出名既溫泉鄉

第五天: 坐車去函館, 車程約2小時, 若時間尚早, 可以去函館朝巿食個豐富的早餐, 跟住可以行下正教會堂, 聖約翰教堂等等, 3~4點左右上函館山, 欣賞好出名既夜景, 若冬天去, 記得3~4點要上到去, 可以睇住日落, 直至整個函館著晒燈, 記得影多d 靚相, 呢一晚見意係函館住一晚, 平既可以係函館站附近租間幾百蚊晚既商務酒店, 或選擇住湯之川溫泉

第六天: 早上必定要去函館朝巿食早餐, 跟住可以乘車回札幌, 因為車程要3個多小時架, 到札幌都下午了, 可以去時計台, 札幌電視塔, 狸小路等等

第七天: 早上在札幌衝刺, 睇你鐘意買野定睇景啦, 若是轉機, 中午要去機場架啦

(若你唔去旭川, 可以留多一日係札幌, 因為札幌其實都有好多野睇, 好多野買架)