Jasper & Jayden 的閱讀樂

一向以來都不太鐘意睇韓劇, 因為唔鐘意睇d由頭喊到尾既戲, 好似什麼天國的階梯也好, 藍色生死戀也好, 我都唔會睇, 唯一有興趣係浪漫滿屋, 以及野蠻女友, 所以茶煲阿四剛開始做的時候, 本無諗住睇的

不過, 偶然看到不知是第一集尾段還是第二集尾段, 男女主角實在太好笑了, 雖然有點誇張, 但又不會覺得太脫離現實

故事綱如下

趙安娜出身大富之家, 自幼父母雙亡, 由祖母養大, 可惜12歲時祖母也過世, 留下大筆遺產給她, 身邊的人只會承她, 令她變得自大, 囂張, 不可一世, 幾乎每句話都會得罪人, 長大後, 接受比利的追求而結婚, 可惜婚後也改變不了她那冷冰冰的性格, 還令比利對她只剩下害怕

張哲修, 本來有好好的女朋友友菁, 可惜, 兄嫂因交通意外身亡, 遺下3個姪兒. 自此要照顧多3個人, 友菁因此而離開, 而哲修就過著努力搵錢養家的生活,而令哲修遇上安娜, 還發生重重誤會

安娜的丈夫比利己無法再忍受安娜, 提出離婚, 當晚, 安娜一個人上遊艇借酒消愁, 郤意外墮海
第二天, 比利得知安娜墮海, 孔室長提出安娜可能己死, 比利接納並為她舉行葬禮

另一邊, 哲修在醫院意外遇到安娜, 得知她己失憶, 便想到騙她回家當保姆一個月, 告訴她是自己的女朋友, 並叫麥道舞, 可惜, 哲修的如意算盤打不响, 安娜根本是個從沒有做過家務的女人, 並把哲修的家弄得一團糟

哲修跟安娜每天打打鬧鬧, 安娜開始學習如何做家務, 而比利也終發現安娜未死

大綱就打到這裡, 若想知再詳細戲情可以去 http://tvcity.tvb.com/drama/couple_or_trouble/story/008.html 這裡看看

成套戲入面, 最討厭的不是自大的安娜, 反而是哲修的前度女友友菁, 這個人都不知在想什麼, 又不知道靠什麼生活, 好像完全不用工作, 日日無所事事, 但又唔係有錢喎, 嫌棄哲修所以離開, 要搵個有錢人, 好像只要有錢, 對佢差都無所謂咁, 到個未婚丈唔要佢又想要返哲修, 但, 重點係, 即使哲修肯要, 友菁都會嫌佢無錢啦, 佢既行為真係好奇怪

不過睇昨天個集, 安娜坦白地說唔鐘意佢, 真的心涼, 我諗, 比著係其他人, 一定唔會咁直接