Jasper & Jayden 的閱讀樂

星期四catherine結婚做伴娘

超級忙呀

一早六點就起身, 換好衫就出門口

未行到青衣城, 對新鞋己有少少夾腳, 好後悔唔先著波鞋, 去到先換

到銅羅灣, 跟josephine約好一齊上去

7點半去到catherine屋企, 化妝師己到了, 換好條裙就開始化裝,

食少少野, 跟住就開始準備玩新郎

9點左右, 化妝師先幫chris 化妝, 然後chris 就準備接娘的東西

差不多時間, 攝影師到場, 拍下新娘化妝過程, 拍下我地準備過程, 還有接新娘的兄弟團

9點3左右, 兄弟團便到了

但, 玩新郎好似唔夠積極

玩完遊戲, 讀埋愛的宣言之後就開始比開門利事,

不過我覺得呢個過程好似有d 求其, 無個種開天殺價, 落地還錢的過程, 好快咁比錢

然就就數錢, 最搞笑係, 竟然入多左錢, 勁搞笑

接完之後, 要拜神, 又要敬茶

搞好晒才10點幾, 但要11點才可以出門

於是呢, 齊齊睇下電視, 兄弟們把物資搬上車

幸好一架花車加一架24座, 才夠位放齊所有東西吧

第一站是去黃大仙

很花, 不夠半小時便完成敬茶, 之後再去美孚

上到去, 己好多人, 想先敬茶, 點先無熱水, 要先煲熱水, 又要找茶葉,

幸好沒有超時

簡單食了一點午餐, catherine 便把裙褂換成婚妙, 準備去伊甸園 ,不過, 原來無乜地方影相的

但簽紙的地方就佈置得好靚

因為係平日, 故觀禮的人不是太多

進場的時候, catherine 就開始感動到喊起來, 幸好還能流暢場讀誓詞

完成整個過程之後, 在禮堂來影幾張相就要交場, 在外面影相

但佈置不算太漂亮, 故也不是影了太多相

4點半左右就離開, 前往酒樓

我們的車還在途中, 己有人到達會場

一行人到達後, 忙得不得了, 兄弟們要佈置場地, 拎西餅,

而我們就要幫catherine 換回裙褂等候其他親友到場

不過, 因為是平日, 大多數人要返工, 故7點半前到的人不算太多, 故我們可以先在新娘房休息一下

7點半過後, 親友們陸續到達, 又開始忙了

又要影相, 又要幫手敬茶

然後又再換第一套晚裝

又開始影相, 到8點多, 大部份人都己到達, 影相也影得差不多, 其他人開始安排座位

8點9 又開始又換婚紗準備出場

(事後聽說, 進場時, chris 揮手揮到好似機械人呢, 之前好似係播當天片段, 可惜睇唔到)

然後就開始食乳豬, 食完又要換第二套晚裝,

跟住又影相

(到晚上的時間, 會唔會覺得塊面笑到"桔"左呢)

因為遲左少少開始, 所以就無玩新人既節目, 睇唔到玩cahterine 同 chris 有d可惜添

跟住, 食左碗翅就開始敬酒, 原來一杯杯都係己無氣的可樂~~~~得個樣似酒

因為基本上都係親友, 故氣氛不算太熱鬧, 也沒有捉住人飲酒既情況

敬酒後, 食左碗面又要換最後一套晚裝 (為什麼一晚入面要換5套衫呢@@)

跟住就開始送客~~~

忙完都11點幾, 我連忙換好衫, 因為即晚要還我條裙嘛

catherine 個3套晚裝, 裙褂同紗婚係同一間租的, 當晚會派人來取回, 不怕第二日又要去還衫,

12點左右時我地走左了, 不過佢地仲有少少手尾要搞

因為實在企到太累, 最後都要call 的士回家

最後呢, 講下感想先

無諗過catherine 一日會喊咁多次, 睇唔出咁眼淺, 平日好惡架嘛, 尤其對住d救個陣

雖然係好忙, 好多野搞, 不過我覺得都係值得既

場地好靚, 好西式feel, 樓底又高, 野食都幾好味

不過新娘房細左少少, 夾萬都細左d, 基本上放唔到d乜

同埋, 我唔係咁鐘意枱布係白色囉

總括來講, 整日都好流暢, 沒有太大overrun, 也沒有什麼出錯

雖然每段時間都好趕, 不過都沒有什麼問題

反正, 就是一個好成功既婚禮啦