Jasper & Jayden 的閱讀樂

呢幾日都去左唔同既酒樓睇場, 睇過之後既感覺.....就係.....影相是不能作準的!!!

第1間, 太子始創彩福, 因為朋友係呢到擺, 呢到樓底比較高, 全西式佈置, 牆身全部係淺金色白紗, backdrop 都係白色, 配英文名的牌, 2盞大水晶燈, 呢間都係心水選擇之一, 14萬可包場, 現在book 可以用08年既價錢, 不過揀靚少少既menu, 連任飲, 加100換原隻鮑魚, 一圍都要成6000蚊, 咁就23圍包場, 如果揀平dd個menu, 要27圍先可以包場, 但, 我地人數未必有咁多, 都好煩 (另, 彩福4樓係比較中式既佈置, 紅紅的, 都ok靚, 但個人鐘意西式多d)

第2間係太子始創煌府, 睇個日有婚宴, 不過樓底明顯比彩福底好多, 而且佢個場比較大, 可以擺50圍, 若得20圍左右就要間開, 感覺上無咁好

第3間係太子始創4樓既海港, 樓底同煌府一樣, 佈置比較簡單, 唔夠靚, 長方形廳, 新開, 比較新淨

第4間係青衣城美心, 睇圖好似好靚, 但實際就比較差, 佢係商場入面, d人行過可以睇到入面, 呢樣野真係比較差

第5間係青衣城聯邦, 佈置幾靚, 咁0岩個日有人擺酒, d效果唔錯, 不過如果得20圍就唔會包場, 係間開比你, 但無論點應都唔會包到場, 因為佢外面係有卡位的, 但最衰係就算現在confirm 都唔可以confirm 到09年既價錢, 咁樣會令人失預算, 不過, 加2000蚊用佢個佈置package 真係好靚

第6間係旺角道煌府, 因為之前睇既都係商場入面, 交通都算方便, 呢間就比較遠, 係旺角中心個條大馬路向上海街個邊行, 都要行個幾字, 而且隔離係圾垃站同一個cheap cheap 戲院, 地點真係比較差, 而且個座大廈應該都幾舊, 架lift 都幾殘, 入到去, 都幾失望, 招呼我地既經理係吳剛師傅, 老實說....睇到第一下都幾...........反正唔係感覺好好啦

呀吳剛師傅都幾長氣, 不停咁介紹有其他藝人去過呀, 又上過報紙, 又上過電視, 但呢d完全唔係我地會考慮既原因囉, 我亦無興趣知有咩人去過, 我對價錢呀, 場地, 包d乜先有興趣嘛, 真係好長氣, 長氣到我不得不打斷佢既說話

價錢方面, 都係普通啦, 其實睇過呢幾間都係差不多, 我地問價錢既時候, 呀吳剛師傅仲好鬼長氣地拎本相簿show 比我地睇佢有咩餸....唉, 說實在, 呢d婚宴既食物, 間間都差不多架啦, 駛乜同我介紹有乳豬, 仲要狂讚咩咩節目得過獎....你比個菜名我都知係d乜啦, 仲要夠擔死仲頁講, 搞到我唔打斷佢都唔得, 跟住我問佢你個價錢包d乜, 佢答得仲絕, 佢話咪包呢幾道菜 @@ 即刻打個突, 唔係嘛, 我夠知有幾呢味呀, 真係呢~~~~ 廢話多到死, 都未入正題, 如果唔係我係咁打斷佢, 幾個鐘都未傾完

講返佢個plan, 唉, 搞左好多先比我地睇, 都係包d普通野, 任飲+180, 一枱包一支紅酒, 但就無vsop, 包椅套, 包一圍1hr 泊車, 包回門豬, 現在可以包加一, 不過佢話遲d過左新開就無喎, 其他包既都係大路野

跟住帶我地睇場, 新娘房好大, 有獨立廁所, 有夾萬, 有衣櫃, 上飛天車係要經新娘房上的, 但條樓梯係好窄既旋轉樓梯, 我著牛仔褲拎左一袋野都好難上落, 好難想像到時著住婚紗都唔知點上

架飛天車看上去都幾殘, 一d都唔似開左2個月既酒樓, 由上而下望, 個場話就話可以擺32圍, 其實好勉強囉, 我諗2x 圍會好d

oscar 話個場好污糟, 地毯本來係金黃色, 但帶黑, 牆身係金色有pattern牆紙, 但佈置就無乜, 同影相個景差天共地

反正呢, 睇完己放棄呢間了