close
昨天去了海洋公園的哈囉喂
在金鐘巴士站己見到人頭湧湧
超級多人呀~~
可能因為實在太多人, 巴士有一點窒
5點10分左右落車
應該是5點半開始的, 不過我地見到己有好多人排隊入場
夕陽, 好靚架, 呢張係我地剛剛入場時影的
一入到去, 第一個見到的game 是東瀛凶間, 於是我地就開始排
一排就排了一小時多, 6點半開始玩第一間鬼屋,
好彩見到不同的鬼怪, 仲拎多nds 打下機
唔駛真係悶死
玩完第一間, 諗住去第二間冥通大靈堂,
點知條人龍長到, 見唔到龍尾, 應該是上了山
於是我地諗住先玩其他鬼屋
上了幾條長長的電梯, 本來諗住玩鬼旅逃生的,
但同行朋友說不想濕身, 於是呢, 我地就無玩到了
再上經過海獅館, 望下入去, 無野睇, 可能訓晒了
行前少少就到死囚浩劫的龍尾, 呢個時間係睇唔到龍頭之餘, 連間鬼屋都見唔到的
排到一半, 有班黑衣人由後面攝左上來, 一邊話佢地係前面, 就係停左係我地前面
好明顯係打尖啦, 最過份仲要一拖十幾個人囉
好彩同行朋友醒目攝返係班人既前面, 但實在太過份了, 因為呢個時候我地己排了一半了
死因浩劫約7點九有得玩
呢個時候己玩了2間, 應該會比cara 好, 她只玩得2間咋
之後我們再向機動遊戲那邊行, 經過瘋醫生解剖室, 又係勁長, 諗住睇下有咩其他野玩
不過只有機動遊戲同攤位遊戲, 機動遊戲唔駛點排, 不過我地都無興趣
結果行返去排瘋醫生解剖室, 龍尾在山腳, 到半山還要打蛇餅,
同行所有人一致同意, 若下年去玩
一定要買至尊門票
雖然買百多玩, 但眼見條隊真係差好遠囉
我估計他們只要排半小時左右
結果瘋醫生解剖室我地成9點先有得玩, 玩完腳己勁痛-,-
我地決定搭覽車落山玩, 幸好覽車不用排, 可以坐下了
落到山, 先玩鐘馗捉鬼, 呢個排比較快, 約半小時左右, 因為無乜人係呢邊 (呢間時間己玩了4個了)
玩完, 坐下食少許東西, 我地又坐覽車上山
坐完覽車, 己是十點幾了, 估計我地只可以玩多一間,
於是我地決定玩估計是最勁的冥通大靈堂
我地要由覽車站行返去大榭灣入口
不過, 都未見到冥通大靈堂, 己遠遠見到人龍....排至近山頂....超長人龍
不過, 因為這個己是最後一個諗住玩的
無法啦, 都要排架啦
因為途中見到幽靈沼澤, 於是我們便輪流去行下, 影下相
行完晒, 只係由山頂排到半山, 仍然見唔到鬼屋
於是又拿nds 出來打
(我部nds 開始有點問題, 經常讀不到game, 尤其換game 時,
經常要把game卡插出插十幾次, 以為係game卡問題, 換另一張都係咁)
到11點半, 不要以為己排到, 我地仍未見鬼屋,
不過, 明顯條隊開始快左好多
我地以為工作人員會開始唔比人排, 點知無喎
結果我地後面仍是長長龍的
到最後, 差不多11點55分終於有得玩
不過, 超快, 出來還不夠12點
因為我地諗住要返正門坐巴士出旺角
於是我地要由大榭灣入口一路回去正門....
在電梯時, 工作人員說覽車快關, 叫我地快d
於是我們跑呀跑
但覽車的人龍長到見唔到覽車山囉-,- 早知唔駛跑啦, 累死我
我地排緊覽車時 , 仍有好多人剛開始排
我地諗緊, d工作人員應該2點都未收得工
到1點, 我地終於離開海洋公園
坐巴士出旺角
好快呀, 約20分己到旺角
我地搵間餐廳坐下食野
食完就call 的士回家
回到家, 勁累, 主要係腳勁辛苦
一沖完涼就立即訓了
全站熱搜
留言列表
旅遊日誌 (10)
