Jasper & Jayden 的閱讀樂

舊同事生日
上星期一
一行6人去食日式燒肉自助餐
新開張時己想去試
連枱都book 埋
點知咁0岩唔舒服
最後無去到

終於有機會試下

試之前
一定會去openrice 睇下食評
都唔錯
雖然都有批評
但都係讚多過彈

要返工既日子
揀8點的第二round
準時8點到, 都要等一陣, 我諗幾份鐘吧

入坐後, 枱面己放滿各種食物, 牛, 豬, 海鮮
隔一會還有魚生
咁方便客人, 真係唔錯

飲品方面, 只有汽水和清水揀.....
略嫌不夠選擇呢
不過, 夠方便囉
侍應推住個汽水車, 唔駛沖唔駛洗, 又真係方便d 既

食物的種類都幾多
牛, 豬, 羊, 海鮮
還有刺身, 壽司
熟食等等

基本上, 我只係食左牛同豬
2者都不錯
尤其牛肉粒
不過薄燒的牛和豬就差少少, 唔係質量問題, 而是太薄了
無乜口感

另外一樣要彈的是醬料
每人枱面有一個3格的醬料碟
但每格只有約1/3
食到一半己剩下少少
但添醬又要加錢-,-
食燒肉, 沒有醬總是差d 喎.... 咁都要加錢

食到後一小時
我們點食物時
來的份量明顯比開頭少
但我覺得咁既安排不錯呀
開頭大碟d
尾後細碟d
等食到尾唔會因為太大碟而食唔晒
而且上野食既速度都幾快
所以無乜大問題
食完咪再叫囉

睇食評時, 頗多人投拆抽煙系統不太好
好大煙
我地開頭食又唔係好覺
食燒肉就一定有煙架啦
但到尾段
隔離枱2個女人不停狂燒, 勁出煙
我諗應該係因為燒太耐吧....
oh~
咁搞法
好似火燭咁...
我地見都食得差不多
last order 都過左
快快手埋單算了...
坐耐d
我怕比煙燻死我

總括來講
以2百蚊位既任食日式燒肉來講
絕對係ok 囉
以肉既品質
當然唔同以同其他貴野比啦
始終一份錢一份貨
但都食得好飽, 又覺得好味道
絕對可以再食的