Jasper & Jayden 的閱讀樂

昨天下午去私家醫生到做產前檢查
先磅下重, 比上個月重左4磅
我諗, bb應該仲未有4磅
即係話我自己都有重到~~

昨天係星期六
之前係揀平日
呢日勁勁勁多大陸人
搞到醫務所好鬼嘈
d 姑娘都見怪不怪
可能見得太多
平日做產檢的話, 比較多香港人的
可能佢地揀放假先到香港掛

因為好多人, 昨天等左差不多1小時先到我
之前, bb 仲細, 一個畫面己睇晒成個bb, 可以度到bb 既身高
現在開始大, 要每個部份度

先度下頭仔, 闊度3點幾, 正常
再度下大脾骨長度, 都正常
小b 仲好唔知羞地打開雙腳, 見到佢係個男bb
其實之前2次醫生都話有機會係仔
不過今次就真係睇得好清楚
oscar 就最開心啦
如果生第二個, 一定要係女仔呀~~~
oscar 說, 最多等bb 未大時, 幫佢著次女仔裙仔過下癮
咁點同架=.= 難道專登買套女裝來玩咩

照到一切正常後, book 下個月再check
下次應該好大個啦, 期待中

===================================================

睇完醫生, 去朋友家bbq
家住紅磡其實都幾方便呀
百多萬, 應該5百呎左右吧, 但連天台呀, 又可以bbq, 又可以放東西
2間房都幾好放東西
長方形的廳都幾實用, 開放式廚房, 企2個人都好鬆動
可惜啦
買巿區的話, 2邊都唔近
無人睇住小boo, 晚上又無飯食
搬都唔可以搬得遠呢