Jasper & Jayden 的閱讀樂

話說星期三出旺角,
因為找不到cara 推介的那間烏冬店
而隨便地找了一間失望的

今晚帶埋cara, 再出旺角試一試先得

7點由青衣出旺角
(會由青衣出發的原因, 留待下一篇才說吧)

出到旺角, 先去陪oscar 睇腳架
為左一部相機
都不知行了多少次旺角的各大相機店-,-
鏡頭, 腳架, 遲下還說要買閃光燈, 果然係一條破產不歸路

其實oscar 昨天己在旺角選中了
今晚帶埋我出去睇下

係不停地比較, 格價後, 終於選了一支
(待oscar 影好相後, 有時間便post 出來吧)

買完後, 終於可以找找間餐廳了
我只知道地址在通菜街, 係正確位置不太清楚 (不然, 上一次也不會出事)
好彩, 今次行左一陣就搵到了

到達時已8點九
好彩我地有3個人, 因為, 2人細枱連飛都唔派, 爆滿了 (果然多人鐘意食喎)
好彩大枱仲有得派飛
本來呢, 係可以留低電話去行街,
差不多到會打來
但, oscar 拿著一機2鏡再加新買的腳架, 還是算了吧
企在門口等, 好過拿大堆東西唔知行邊好

負責派飛的小姐十分細心
知道門口熱, 又等得耐, 不停地說己留了枱給我們
有些2個人來,連飛都拿不到的, 都有細心交待
也不錯呀

大約等了半小時有位
好餓好餓

3個人, 點了
豚肉湯底牛肉烏冬 (本來想點厚切豚肉的, 可惜賣光了)
地獄湯豚肉烏冬
地獄湯海鮮烏冬
鐵板牛仔骨
玉子燒

我的牛肉烏冬好快就到
送到時, 整碗烏冬是熱到還有泡的
正當oscar 影我的烏冬時, 發覺碗點有點裂痕, 還有少少湯出來
為免食食下整個碗裂開, 所以都係叫侍應換另一個碗
因為個火山石碗又要再加熱一次
所以
我個烏冬再送到時, 有點過熟
好可惜呀
另外, 有隻生蛋 (我諗應該隻蛋是換左吧)
故, 我個湯底變成十分重牛肉加蛋味, 可惜了點牛肉, 熟了點, 本來應該頗肥美的
因為d 肥肥地部份, 變晒油係我既湯面上...
特別一讚, d 烏冬好彈牙, 好味道

然後上的是玉子燒肉子燒
原來係蛋皮包著芝士汁和一d 雜菜之類
味道不錯, 尤其中意中間既芝士汁

跟住到cara 的地獄湯豚肉烏冬
她說湯底味道不錯

其中一個侍應見oscar 仲未有東西食
我們還未追, 佢己叫另一人check 一下我們枱的東西還有什麼未到
好細心喎

不久, oscar 的地獄湯海鮮烏冬
但oscar 說他的地獄湯不夠辣喎, 佢覺得我個豚肉湯底好味d
咁下次再食咪揀豚肉湯囉
不過我諗我下次會識下佢d 咖哩湯底

最後上牛仔骨
不錯
鐘意佢d 牛肉淋, d 汁又好味

差不多食完時, 大約10點鐘
己經係last order 了

以一間旺角的餐廳來說, 10點last order 真早左少少
有時放工行一陣, 10點先食都唔出奇嘛
坐位己不算多, 又咁早收
會唔會唔係太符合經濟效益呢

總的來說, 是一間可以再食既餐廳
而且, 一人100蚊,係旺角來說都算平架啦

http://www.openrice.com/restaurant/sr2.htm?shopid=32143