大棠荔枝山莊－Jasper & Jayden 的閱讀樂

大棠荔枝山莊

4月25日, 公司搞的大棠荔枝山莊一日遊
當日, 未起身就聽到行雷閃電
心想...
唉... 唔係掛, 放假又落雨....

起身... 唔算好大雨, 咁都好d, 希望去到唔好落雨啦

搭車出荃灣集合, 但仍然係毛毛雨, 毛毛雨
買d 水, 早餐, 還有零食, 搵埋alice 和佢個仔, 就去集合地點, 點好名, 出車...

差不多10點先開始開車... 我地己係車坐左半個鐘啦

車一路開... 點解越來越大雨架
行雷閃電,
幾乎睇唔到前面架車
我和alice 笑說
若未出門口時見咁大雨, 我就唔去了

近11點, 終於到了
但仍然大雨...唉... 心情立即down 晒
先玩下集體遊戲
win 左2回, 有2盒士多啤梨和2張惠康coupon 呀
真開心
不過呢, d 美國士多啤梨.... 無味既
淡淡的, 唔甜, 又唔酸, 咁差架, 食左2粒都無食了
都係日本的最好味

玩完集体遊戲, 跟住就bbq 了
任食bbq, 不過, 野食唔算特別, 又唔多款式
如果要比錢就唔會去啦

好彩, 差不多燒完時, 雨都差不多停了,
我帶了alice 個仔去玩撈金魚
都幾勁喎, 撈左好多條呀
不過只可以揀2條帶走架咋
p.s. 養金魚d 水勁臭, d 魚又成日比人捉來捉去, 就算拎回定, 應該都養唔大....

撈完金魚, 回到bbq 場, alice 都差不多食飽了
雨又停了, 我地四維參觀一下
有山羊, 兔仔 <-- 可能因為落雨, 比困住了

蝴蝶, 昆蟲標本,

另一邊, 有餵馬, 和騎馬, 立即試下先
餵馬都幾得意架

至於騎馬.... 好似0岩細路多d
因為細路有人抱上抱落...
我呢...
要自己上, 自己落
上既時候, 有2級樓梯, 但馬好高架喎
我問工作人員, 我點上去呀
佢叫我自己捉住個馬馬安自己誇過去, 上到去... 無乜比我捉住.... 平日睇電視, 唔係最少有條繩架咩... 我只可以拎住個馬安咋...
行既時候, 因為個沙地唔平, 我覺得自己好似會跌落地咁
到行完既時候
咦... 點落去呀, 樓梯都無埋???
工作人員叫我自己捉住個馬安, 一邊腳誇過另一邊, 跟住跳落地....
吓... 係咁架咩...