Jasper & Jayden 的閱讀樂

昨天晚上去2nd fitting
本來諗住我地2個去就算
但oscar 死都話要叫多個人去幫下眼
佢主要都擔心佢鐘意, 而我唔鐘意時有個人比下意見
不然佢實輸的
哈哈

因為本來就無約人,
臨急問人, 個個都有約....星期五, 無法子
最後, 叫埋媽媽去幫下眼

約了媽媽7點3左右係元朗西鐵站等, 再搭的士入去
媽媽十分驚訝我地搵間咁偏僻既地方租婚紗

去到jenny 到
坐一會就開始試衫了
先試返上次揀個件婚紗draming
我真係好鐘意架

跟住, jenny 介紹新做起的新婚紗
先來一條香檳金色的
不過
一來我唔多想婚紗不是白色
二來, 呢條無我本來睇中的咁多水晶, 不夠閃嘛

然後, 又試另一條, 都係白色的
但感覺上, 都係第一條正d

再之後, 又試另一條, 都係白色的
嘩, 一試出來,
好靚呀
OSCAR 和媽媽都立即走過來望下 (其他幾條係坐係到睇的)
呢條 (印象中, 好似係童年夢想22版?) 係手人刺繡, 加銀線, 加勁多水晶石
0岩晒我勁鐘意閃
而且除左太大件要勁加pin 外, 其他位置都好fit
著出來好勁鐘
立即揀呢條....

confirm 左婚紗, 就試晚裝
先試返之前揀既綠蜻蜓
我鐘意呢條裙著出來比較可愛一點,
而且綠色比較特別

跟住, 又試新衫啦
先試一條peach color 的
著出來其實都幾好既,
但我個人唔太鐘意peach color, 因為同膚色比較近
唔夠sharp

之後, 又試左另一條...
忘了什麼樣子的...

感覺都係綠蜻蜓好d
本來諗住唔揀架啦,
試埋條送客用的伴娘裙 oscar
呢條裙我真係好鐘意架
雖然屬於伴娘裙, 但都好多detail
下方係一層層, 上半身都有頗多石 (i like it~~)
之但係, 我d 姐妹全是著米白色的, oscar 話唔想太似色喎

其實, oscar 硬係念念不忘之前試的紅色2著 (又忘了名)
但, 我不太喜歡紅色呀~~~

跟住, jenny 又拎返之前試過的雪紗黃, 有2個款, 心形領和扇形領
2條我都幾鐘意架
但, 個顏色比較接近條伴娘裙~~~

最後, jennny 拿了2條最新完成的, 有一條係上星期才做present,
另一條直頭係今星期初先完成, present 都未做添

一條淺桃紅色的
頗detail, 頗多石 (多石我就會加份架啦~~~)
雖然叫紅色, 但又唔係太紅, 接近粉個種, 都唔錯

另一係紫色美人魚
比較貼身, 到小腿開始散開
所以先叫美人魚
不過呢, 呢隻紫色唔係太鐘意 (上次試個條紫色仲靚, 不過太清)

我個plan 本來係一套婚紗, 1套晚裝, 一套伴娘裙, 一套掛和一套男裝
不過oscar 想把伴娘裙換另一條誇d 的
但我唔想又再花多千幾蚊換另一條
jenny 話, 加一條晚裝, 和用伴娘裙改晚裝只係差400蚊
唔...
只係差400
咁要埋啦, 因為條伴娘裙真係好靚架
jenny 話, 好少係男仔話要加錢換裙的
哈哈

決定好晒d 裙, 跟住就到掛啦
掛只有2款, 好易揀, 唔駛10min 搞掂

最後, 係男裝啦....
男裝...無乜特別
度好身, 跟住揀套黑色的, 配銀灰色小背心, 和炭灰色tie
一試
0岩身...
搞掂
男裝部份, 有沒有10mins?

中間, 仲有揀埋首飾
其實, 都無乜好揀既
因為jenny d 裙全部都會配套的首飾
只係拎出來, show 比我地睇下
好靚呀
跟住比錢, 哈哈

因為加多一條裙,
首飾既價錢由6折減為半價
計落, 條伴娘裙只係2百咋....


由8 點, 不停試, 到10點半
終於完成啦
唔, 忘了說
試好晒
決定好晒之後
jenny 幫我把confirm 好的裙影相
要比化裝師睇下, 才可以好好決定用咩頭飾