Jasper & Jayden 的閱讀樂

今天一早起身, 和oscar & 天天出旺角睇wanted

諗住12點場應該唔係好多人, 兼且呢套都上左咁耐

點知原來都幾full 喎, 坐第6行,

好彩朗豪坊d位都算ok, 唔會覺得太近

講返套戲, 唔~~~ 無想像中咁好睇

太誇張了, 誇張都算了

但~~~~~~~

個故仔有點牽強............而且個結尾有點那個.......

講下個故仔先

一開始講個男主角wesley 係個一個小職員, 無信心, 無性格, 一生混混淆淆, 某天, 遇見fox, 把他的人生改變了

原來, wesley 的父親是殺手, 被反叛出公會的人殺死, 公會要教會他殺人的技術, 而後殺死殺父仇人

學野既過程唔多講了, 反而, 對殺人的原因, 不明白現代人竟會相信

話說一千年前, 一班紡織工人在織布的布料之中解識到密碼, 而他們要殺了密碼中這個人, 就是佢地既宗旨, 殺一人, 救萬人喎~~~~~

一千年前唔識野, 無讀過書, 信的話, 無野講, 現代人怎會信? 就算真的, 難道世上沒有同名同姓的人, 點sure 要殺的就是這個人???

咁既殺人目的....實在有點了那個, 你話你知道佢係壞人, 法律制裁唔到佢都話呀~~~

算吧, 講過殺人的原因, 講埋下半段

原來所謂的殺父仇人是自己的親生父親, 因為知道殺手公會的主持該是被殺的人而被殺害.......

跟住就是wesley 的大反擊......

最利害的, 應是到最尾, fox 知道原來所有殺手的名字都在布片上時....

一粒子彈就殺晒所有殺手....神乎奇技.....子彈會轉彎不特只, 仲識轉圈, 360度連殺幾人....咩子彈穿透力咁勁......

呢套戲, 仲誇過hancock..... 而且, hancock 比較搞笑~~~~

都係hancock 好睇d

睇完戲之後, 先2點幾, 跟住去好景後面睇手槍, 因為玩war game , 用ak 用悶了要改手槍嗎? 還是夏天想玩室內? 好彩手槍只係幾百蚊~~~~ 不過未買, 睇下先0者

然後又去boardway 睇電視, 昨天係國美睇到samsung 550 46" $$20200, 個價錢比之前都平好多, 點知boardway 才18000 咋..... 月供24個月, 一個月8百蚊, 都幾抵玩喎, 不過再睇定d先, 反正呢到都未有高清~~~~