Jasper & Jayden 的閱讀樂

今天中午和媽媽約了收姨媽飲茶, 還見到許久未見的姨丈

好耐無見既意思, 唔只係我, 連媽媽都幾乎唔認得, 可想而知, 有幾多年無見

跟住出旺角, 因為諗住明天睇街頭超人 (係台灣見到宣傳, 台灣個邊叫全民超人....搞到剛剛都講錯添)

到朗豪坊, 買飛的人龍很長 (其實我都唔明白, 為什麼上網買飛要收8蚊手續費咁貴, 佢整個上網買飛, 都係想多d 人買, 和方便人0者, 整到咁貴, 我覺得好唔抵, over 10% 手續費,  幾個人的話, 夠買多張飛, 其實一個上網買飛既system, 每個月既費用不會太多, 佢整平d, 等多d 人用咪仲好)

終於排到我, 我買明天下午3點, 揀完位, 個女仔問我有無學生證...... 突然有點呆..... 幾年無學生證啦, 呢個問題都幾搞笑....

買完飛, 行下街等oscar (oscar 下一份工一定要搵份返5日的, 成日星期六都做到下午, 其實同返全日無乜分別)

到oscar 出到旺角, 先行下國美, 望下d 電視, samsung 有部40寸都唔錯, 價錢又唔貴, 萬幾蚊, d 畫面幾靚, 佢有個差不多既version, 連內置電視解碼, 要多5000蚊....嘩, 咁我要個平既都得啦, 個tv box 點值5000蚊, 而且, 無內置的, 都會送tv box 啦

跟住去睇雪櫃, oscar 成日嫌現在個雪櫃唔夠大, 唔夠位放d 汽水, 因為現在個雪櫃個位闊度有好多空間, 唯一係要留意頂頭既廚櫃, 所以我地都揀d 頗高身的雪櫃, 要夠深, 要好放東西, 現在好多雪櫃都好淺, 放大件d 既東西都會放唔落

行完國美, 又去行豐澤, d 款式都係差不多, 反而唔夠國美多

最後行埋信和, 近期好似無乜好睇既新漫畫, 成日出返d 舊漫畫既新版本, 之前都睇過啦, 究竟係日本少左好睇既漫畫, 定少左中文版呢