Jasper & Jayden 的閱讀樂

峰壽司

昨天突然想起好耐無去過峰壽司食野
於是放工同oscar 出旺角行下街, 跟住去食壽司
順便仲買埋iron man 既戲飛, 5月1號去睇
(我幾鐘意去朗豪坊睇戲, 坐得舒服, 又唔容易被前面阻住)
朗豪坊左邊有間賣木制品既小店
有好多木架, 放cd 的, 放搖控的, 放小飾物的, 仲可以訂做, 價錢又唔算貴
現在廚房的雪櫃旁想買個櫃放微波爐同焗爐, 要返去度下位
仲想買個飾物盒 (好多款, 有d 成個櫃咁, 又可以掛頸鍊, 放介子, 手鍊, 好pro.....)
不過我係諗住買個小小的, 我邊有咁多飾物放, kaka
另外呢, 佢有d 木格是一格格, 小小的, 最0岩放d 扭蛋公仔, 若有玻璃面仲好, 唔駛成日抺嘛....

講返正題
雖然行完街己9點, 但峰壽司門外都係有好多人,
拎完飛買本雜誌慢慢睇, 好彩天氣未算好熱.....
昨晚食我最鐘意既魚腩盛, 仲有三文魚子, 海膽, 蝦天婦羅, 劍魚腩等等
真係好好味....
不過, 點都唔及係日本食到的咁正...
無法啦, 唔係成日去到日本,
係峰到食, 味道都有日本既8-9成既.....

講開又講
最開頭, 是媽媽帶我去元綠食的
當年....元氣都未有, 只食過元綠壽司, 成日叫媽媽帶我去食
媽媽常常說好後悔帶我去, kaka!!!

後來, 百佳都出了壽司counter
媽媽唔煮飯的時候, 就最鐘意買盒回家食
但, 到出來做野, 食過其他壽司店既壽司之後...
就一次都無食過百佳的出品了