Jasper & Jayden 的閱讀樂

去到小樽, 無理由唔試下自制音樂盒既,
其實小樽運河邊條街, 唔只一間可以自制音樂盒,
但音樂盒款式最多, 音樂最多, 底座最多的, 自然是小樽音樂會堂本館啦,
整個本館都是賣音樂盒制品, 尤其1/f, 一整層都是各式各種的音樂盒制品
即使對自制音樂盒無興趣, 看到如此多的音樂盒, 都有想買返個回去的
除了音樂盒外, 還有音樂掛畫, 仲可以自由地選擇歌曲添

2/f 是一些精品, 像是掛鐘, 飾物盒, 掛飾, 玻璃燈等等, 但有部份是中國制的, 買之前最好問一下....
無謂山長水遠去到日本買中國制玻璃品啦.... (如果是其他精品, 在日本買中國制的也沒問題, 像是公仔那些, 若堅持要日本制應該買唔到d 乜野)

3/f 便是自制音樂盒既地方, 有好多音樂選 (音樂也是擰的, 轉的, 拉的等等, 要睇下你想要咩底座來決定揀邊d 音樂盒)
可以試聽, 也有部份是音樂盒和底座是一套的, 而歌只是貼在牆上, 若選中便拿著底座和音樂名去counter, 工作人員會幫你拿音樂貼在底座上, 約10min 左右

當你選好各種小飾品, 便可以連同底座和音樂交到counter, 工作人員會先計價錢給你 (就是所有配件價錢加上体驗費, 好似百幾yen 吧), 然後會給你一張紙, 上面有2條膠水, 把2種膠水混合便可以把小飾物貼上底座
要留意, 若你的小飾物不是直接貼在底座上 (即把小的飾物貼在大的飾物上) 的話, 請先把大小飾物貼好放在一邊, 待約10min 便大致固定 (當然你不要太大力, 不然一樣會分開的), 然後才貼在底座上
另外, 若你要加上玻璃沙, 請先把小飾物貼上, 最後才加玻璃沙, 不然, 把小飾物貼上玻璃沙上是不能固定的

完成後, 交給counter, 然後等30min

30min 後, 工作人員會幫你pack 好, 但, 記得先執開睇下, 每個小飾物都check 一下是否真的己貼好, 不然回到家才發覺掉了一個就煩了, 假若真的沒有固定好也不要緊, 工作人員會再比膠水你貼好.....記緊加多一點膠水, 再等30min 便大功告成!!!  (很重要, 因為有朋友剛好想打開望下制成品, 然後便發覺有一個貼不到, 會掉出來....幸好如此, 不然回到家才知....)