Jasper & Jayden 的閱讀樂

工作了一段時間, 儲左d 錢, 唔想駛左去既最好方法, 就係拎去投資

一開始, 買了保險公司的儲錢plan, 見佢回報好似不錯

供左2~3年, 想拎錢買樓, 才發覺要成10年才叫做打個和...現在拎, 只有極少錢, 而且回報相對又不是特別吸引, 有一點後悔, 但心諗, 若唔買, 可能駛埋, 乜都無, 現在都話等多幾年可以拎返, 結果都係繼續供落去

除左供保險, 前年仲開始月供股票, 貪佢每個月少少錢可以買, 唔駛理佢既價錢, 只要係好股, 個個月供, 不過因為買左樓, 停左, 到間屋搞掂晒, 手頭上有返d 閒錢, 可能都會再供返, 一個月2000蚊, 儲落都唔錯架

另外, 再儲到大筆d 既錢, 就會買返1,2手股票, 當然要留意下價錢, 見佢低位就入

因為買左樓, 手頭上部份股票都放左, 不過, 日日都會留意下個巿, 睇下咩環境, d錢唔投資增值, 就會越來越少~~~~

呢幾日睇緊巿場先生的blog http://mrmarketofhk.blogspot.com/ , 教人長線投資, 雖然現在無乜錢, 不過都要學下, 第日儲返多d 錢時, 就用得著了

近日貧窮指數升上歷史高位, 無計, 裝修緊, 又要搞去旅行, 希望過過年, 入左伙後可以回復正常水平啦

下星期仲要再兌多d 日元, 咁0岩呢個時間日元勁貴, 比去年年中升左好多, 比我係12月換時仍貴好多, 預計下星期都唔會點跌 (無計, 預計美元減完息, 應該會再跌....oh~ 去日本貴晒...... 唔只日本, 基本上, 除左去美國外, 所有地方都貴晒)