close
尋找好的傢俬公司
全屋大翻新, 最頭痛的便是找裝修師傅 及 傢俬公司, 一個不好, 比完錢, 間屋又整得唔好, 仲要再花錢修補....
本來有諗搵d設計公司, 不過上網找了很多間, 多數comments 都係又貴, 又唔見整得靚, 反而自己睇書, 睇人地的設計, 再分找裝修及傢俬公司的成功機會仲高d
裝修方面, 大致己決定了找相熟的人介紹, 希望價錢合理及手功好, 千萬別想要搵最平的, 免得見到間屋整得差, 到時再搵人執駛錢仲多
反而傢私公司比較難搵, 款式太老士的又不喜歡, 太貴的又付不起錢 -,-
暫時傢俬有2個choose, 一間係家創作, 我見佢display 的傢俬都幾靚, 上網見有人訂完so far 都ok, 當然少少花少少問題係好難避免的! 另間係迪高室內設計, 我地係呢間公司都坐左幾耐, 個設計師都解釋得幾detail, 佢話佢公司自設廠房, 係x崗 (我忘了 -,- ) 如果訂傢俬可以去Q貨, 另外, 佢地公司既裝修師傅的半底薪的, 感覺比較可信, 不過, 上網找不到別人對呢間公司的COMMENT, 唔知會唔會得過講字!! 因為睇到好多投訴都係比左訂才開始的, 所以現在仲煩惱緊, 除左信譽方面, 呢間公司好似比家創作貴一點....對於BUGET有限的我們來說, 考慮又要多一層
反而SOFA 便大致決定了要買茲曼尼的, 因為真係坐得好舒服, 現在係要考慮一下買邊個款, 3個位定L形, 另外, 因為我唔鐘意布藝款, 所以一定會揀皮的, 不過未決定要咩色 同 揀 全皮定半皮好, 全皮耐用D, 不過貴D
房的設計大致己諗好, 不過要待收樓才CHECK清楚尺寸是否可行, 現在初部諗住房的左邊做地台, 最左邊做一個6尺衣櫃, 然後在地台上放床褥, 這樣房間比較多空間, 而另一邊整個L形大書枱, 這樣便可以放2部電腦, 2個一齊坐, 唔駛爭電腦用.....
而客廳都考慮緊做地台, 不過要睇下會唔會OVERBUGET先得, 一邊放電視櫃, 一邊放SOFA
而飯廳呢就諗住做個L形的飾物櫃連書櫃, 另外放4坐位飯桌
廚房比較麻煩, 要係不夠大的空間內放齊廚櫃, 雪櫃, 洗衣機, 乾衣機, 電磁爐, 星盆, 微皮爐, 焗爐 等等, 呢方面都係諗住搵廚櫃公司搞
至於廁所就無乜野可以考慮的, 都係放齊最重要的企缸, 洗水盆及坐廁便OK, 只需要考慮買邊個款式便可
全站熱搜
留言列表
旅遊日誌 (10)
